燉 (福至工業大廈) (Closed)

2020年8月27日第一次幫襯荔枝角分店，新舖位於福至工業大廈地牢，環境乾淨企理，都幾大。而且店員非常有禮貌丶服務態度很好。今次叫左魚肚滑雞蒸飯丶蘿蔔燜牛腩飯丶蜜瓜螺頭燉瘦肉丶再追加乾貝蒸＄9 。首先講下蜜瓜螺頭燉瘦肉，好清甜丶材料足丶無味精。魚肚滑雞蒸飯好好味，雞肉鮮而嫩滑。蘿蔔燜牛腩飯，好入味，牛腩燜得好淋，而且仲有牛筯，含豐富的膠原蛋白質。乾貝蒸即係瑤柱蒸水蛋，水蛋蒸得好香好滑，時間掌握得恰到好處。而加做緊優惠，惠顧任何一款客飯或蒸飯，配任何一款燉湯可以減＄8。＂燉＂屬於自助形式，所以記得食完之後自己放返去回收餐車，做個有手尾的人，減輕店員負擔。自己食完自己執。攞野食都係自己捧，更何況係食完之後。