百味車仔麵 (Closed)

我份人好真，一定好讚有彈，呢間車仔麵我食過一次，其實覺得都唔錯，裝修又有心思，專誠去幫襯多一次，結果。。。。讚左佢先，啲菜圃唔係好辣，幾好味仲係任筆，呢個要讚既。兩碗野唔洗我講，自己睇，除左匙羹咖哩汁外，基本水一樣。油菜個腩汁蘇到想嘔重點講當日，我喺門口見到poster有個雜麵，我唔想諗，想問個姐姐點叫，佢好似聽唔明我講中文咁，我老婆最後問佢有無menu, 佢先行去攞，乜有menu唔係比客睇，成疊放喺度做咩？好，我算，麵到，每樣兩舊，仲要成班阿姐喺度打牙較，有人叫都聽唔到；突然，有一個開電視，J2台，剛好出現6六合彩攪珠結果，有個大叫，呀！都叫你跟我買4號啦！嗌亂叫大約10分鐘，有人熄返個電視。哦…原來個電視係比員工睇六合彩既。野食垃圾，服務奇差，臨走埋單個阿姐連多謝都無句，我講過我喺地下執到錢，我都唔會再幫襯，完。