Video
Read full review
2008-06-04
話說周二相約友人們入赤柱試新野，點知突然狂風黃雨。集齊人商議左三十秒既情況下，決定十步去轉角打邊爐，來左登龍街呢間﹗經過過好多次，第一次入來﹗都未坐定阿待應阿姐已經隊左成盆野出來，0的調味料原來要十八蚊一位，唔洗講講，同佢死過﹗調味多過豉油，同過我打邊爐既都知我好此道架喇﹗最緊要係蒜蒜蒜蒜蒜蒜﹗$38 1L Asahi，貴價野算係咁，都幾好飲，最緊要係全場無咩人飲beer，個啤酒推廣姐姐全程serve，服務一流﹗湯底要左一邊麻辣，一邊就雪梨，麻辣味道真係幾麻，雪梨就無味既，君子之交，唔洗叫﹗最緊要係牛肉啦，叫左個最貴既特級咩手切牛，$188，睇落真係幾靚，食落係夠腍身喇，不過無咩牛肉味，印象不佳﹗手打四寶丸，幾隻都彈牙，叫完一碟再order多碟添，我覺得特別好味的是左二的蝦丸，好爽口同好有蝦既香味呢﹗菇類、冬菇、炸魚皮呢0的不可少啦﹗全部都新鮮﹗要推介係呢個牛肉粒，$88，我覺得佢比0個碟手切肥牛更加好食，食落好有牛脂香，油份高，蘸少少豉油真係唔錯，我高速食左好多粒﹗呢個尖尖的唔知咩丸煮熟之後成粒大左兩倍，入面疑似蟹皇定唔知蟹籽既物體大家都覺得唔太好食﹗最後放棄了半碟﹗友人愛吃呢個木耳
集齊人商議左三十秒既情況下，決定十步去轉角打邊爐，來左登龍街呢間﹗
經過過好多次，第一次入來﹗
都未坐定阿待應阿姐已經隊左成盆野出來，0的調味料原來要十八蚊一位，唔洗講講，同佢死過﹗
調味多過豉油，同過我打邊爐既都知我好此道架喇﹗最緊要係蒜蒜蒜蒜蒜蒜﹗
$38 1L Asahi，貴價野算係咁，都幾好飲，最緊要係全場無咩人飲beer，個啤酒推廣姐姐全程serve，服務一流﹗
湯底要左一邊麻辣，一邊就雪梨，麻辣味道真係幾麻，雪梨就無味既，君子之交，唔洗叫﹗
最緊要係牛肉啦，叫左個最貴既特級咩手切牛，$188，睇落真係幾靚，食落係夠腍身喇，不過無咩牛肉味，印象不佳﹗
手打四寶丸，幾隻都彈牙，叫完一碟再order多碟添，我覺得特別好味的是左二的蝦丸，好爽口同好有蝦既香味呢﹗
菇類、冬菇、炸魚皮呢0的不可少啦﹗全部都新鮮﹗
要推介係呢個牛肉粒，$88，我覺得佢比0個碟手切肥牛更加好食，食落好有牛脂香，油份高，蘸少少豉油真係唔錯，我高速食左好多粒﹗
呢個尖尖的唔知咩丸煮熟之後成粒大左兩倍，入面疑似蟹皇定唔知蟹籽既物體大家都覺得唔太好食﹗最後放棄了半碟﹗
友人愛吃呢個木耳定雲耳，我第一次用佢來野邊爐，好似食緊0的牛皮咁，感覺怪怪的，有點怕﹗
清左之前碟牛之後再叫多碟平一點的，$144，呢碟反而幾好食，又香又滑，大家一致通過叫牛不用叫最貴的﹗
都食左幾多野，最後埋單$250一位，價錢都算OK不過佢雖然叫火鍋本色食物卻一點都無咩特色，無咩邊樣野令我留下深刻印象﹔再加上0的座位異常迫狹，放好碗筷等已經無位再放食物，張枱唔太似打邊爐枱，麻麻煩煩﹗
睇黎都係應該試一次便算﹗
Post
