Video
Read full review
2020-10-03
200 views
19年入長洲玩時搵嘢食，見到鋪頭裝修幾靚仔，幾chill咁，就入咗去。老闆即刻同我哋介紹餐牌同佢嘅個人推介- 墨魚厚切。一路聽老闆介紹，就知佢對自己嘅出品非常有信心，都指明係新鮮墨魚，炸油亦都係靚油，絕不用萬年油。於是就叫左一客捧場。嚟到賣相的確幾靚仔，薄薄一層炸衣滿足咗我呢啲油膩怪先，而且真係冇奇怪油膱味，炸衣顏色亦係健康嘅淺黃色XD🤪墨魚咬落唔會韌，爽且軟嘅口感，加上面頭老闆磨左一啲新鮮檸檬屑，入口會有種清香味。如果想再多啲味啲就可以點埋沙律醬（食落味道似BB牌😂）。食咗三四舊之後，老闆就出口，建議我哋可以配埋一齊附上嘅新鮮椰菜絲，話食落會再清爽啲，頓時覺得老闆好有食家嘅一份執著😂當然佢係「創造」呢味菜嘅人，對於食客點先可以得到最佳進食體驗，佢應該係會有自己一番『理論』嘅😆所以好欣賞佢對食嘅認真，並唔係收咗你錢，出咗餐俾你，就再與我無干咁商業嘅關係。好啦返返嚟😂連埋椰菜絲食，我嘅感覺係⋯⋯清新？應該因為生椰菜本身都有種草青味，食肉獸未必鍾意，但我係接受到嘅。一口接一口，都好快清晒。諗住食完，點知老細見到籃仔內仲剩低啲椰菜絲同半粒提子，又再次提我哋食埋佢，清下口腔😂呢啲就係對—— 食
老闆即刻同我哋介紹餐牌同佢嘅個人推介- 墨魚厚切。一路聽老闆介紹，就知佢對自己嘅出品非常有信心，都指明係新鮮墨魚，炸油亦都係靚油，絕不用萬年油。於是就叫左一客捧場。
嚟到賣相的確幾靚仔，薄薄一層炸衣滿足咗我呢啲油膩怪先，而且真係冇奇怪油膱味，炸衣顏色亦係健康嘅淺黃色XD🤪墨魚咬落唔會韌，爽且軟嘅口感，加上面頭老闆磨左一啲新鮮檸檬屑，入口會有種清香味。如果想再多啲味啲就可以點埋沙律醬（食落味道似BB牌😂）。
食咗三四舊之後，老闆就出口，建議我哋可以配埋一齊附上嘅新鮮椰菜絲，話食落會再清爽啲，頓時覺得老闆好有食家嘅一份執著😂當然佢係「創造」呢味菜嘅人，對於食客點先可以得到最佳進食體驗，佢應該係會有自己一番『理論』嘅😆所以好欣賞佢對食嘅認真，並唔係收咗你錢，出咗餐俾你，就再與我無干咁商業嘅關係。
好啦返返嚟😂連埋椰菜絲食，我嘅感覺係⋯⋯清新？應該因為生椰菜本身都有種草青味，食肉獸未必鍾意，但我係接受到嘅。一口接一口，都好快清晒。
諗住食完，點知老細見到籃仔內仲剩低啲椰菜絲同半粒提子，又再次提我哋食埋佢，清下口腔😂呢啲就係對—— 食 嘅執著喇🤣🤣
店內有賣手工啤，無記錯都有其他酒，非常適合嗌完舖頭嘅炸嘢後拎嚟送酒。價錢嚟講，質素同熱誠係絕對值$50+至$60，錢銀鬆動絕對可以一試！
Post