人和月雞煲火鍋店 (Closed)

🐔無堂食都可以喺屋企食到惹味雞煲🤩▫️近日試咗一間位於尖沙咀嘅火鍋雞煲店，佢哋而家推出左二人同四人嘅雞煲外賣餐，今次就試咗呢個$498 二人餐，外賣自取火鍋套餐仲有七五折添！▫️包括：招牌麻辣雞煲+ 2款肉類+ 2款餃類及丸類+ 2款豆品及冷凍類+ 2款蔬菜及菇+ 2款自家飲品+ 1款精選粉麵▫️拎返屋企嘅時候已經聞到好香🤤一個人拎都有啲重😵建議可以兩個人一齊拎！雞煲套餐附送左六款火鍋醬配料，包括蔥花、炸蒜、生蒜、豉油等。雞煲醬幾好味😋有陣花椒、八角嘅藥材香味！啲雞件加熱幾分鐘就食得，食落真係幾惹味～而且揀咗小辣，味道唔會話好辣～▫️食完雞煲就可以湯底打邊爐🍲雞煲汁可以同時當點醬之用～肉類簡左牛板腱同牛胸爽牛板腱雪花均勻、有牛味，牛胸爽油脂豐富；將芋絲、牛柏葉同菇類一齊撈埋落去雞煲度食，真係索晒啲味！▫️飲品揀咗桂花烏龍同玫瑰茉莉兩款茶，可以解一解膩～▫️📍人和月雞煲火鍋店 (尖沙咀店)地址：尖沙咀海防道38-40號中達大廈3樓。