浦井韓食居酒屋 (Closed)

今次朋友帶我去食呢間韓國居酒屋，本身以為冇乜特別嘅韓國食府。有啲唔想去，不過朋友話會令我改觀，一定要試下。原來係一間新派韓國食府 : 有烤雞、有烤肉，還有好多種類嘅食物，當然仲有酒飲啦 ! 晚上七點幾去尖沙咀 “浦井”已經高朋滿座，好彩還有少量空枱，地方寬敞，環境清潔， 感覺好舒服。每一枱都有一個烤爐，而且都會連著一條煙通，所以食完都唔會有太多嘅烤肉味黐身。無肉不歡嘅朋友一見到餐牌，就先呢兩個烤肉 : 上牛烤和牧場烤。上牛烤 : 有一個2吋乘2吋嘅牛肉方磚，非常吸引 ; 還有牛脷同脊肉…牧場烤 : 就有大大塊豬扒，而且還有腩肉、雞肉…好彩仲有蔬菜相伴一同燒烤，再用新鮮蔬菜同醬料半食，食完都不會感覺滯。細心嘅朋友就叫咗一啲熟食，大家食住等烤肉。煙肉露筍卷 : 露筍又爽又脆配上煙肉，鹹淡分明。黑松露煙肉炸薯條 : 薯條鬆脆配上鹹香嘅煙肉加埋黑松露嘅香味，仲有美味嘅芝士。本來好好食，不過一定要趁熱“快”食，遲咗就不好吃了。仲叫咗三種炸雞都非常好食 ; 配埋哈哈笑薯圈就更加好食。