元気寿司 (Closed)

由「海龜」收工，行出黎最近既開飯地點，一係「大媽樂」，一係就元氣。由於要行到出灣仔碼頭咁遠，Office 又收晒，所以無客。叫左以下幾類食物：1. 刺身叫左劍魚腩刺身，去左好多日式連鎖壽司店食，都係元氣最好，有香濃劍魚味。不過有時未溶晒雪就上檯，好在今次無事。2. 壽司帶子細隻到死，腐皮壽司縮晒水，油甘魚無乜鮮味，三文魚同北寄貝色澤 OK，鰻魚望樣都唔錯。赤蝦黃金燒都食得過，牛油果軟腳蟹卷一拎就散。3. 軍艦叫左海膽同辣味三文魚軍艦，睇相就知紫菜淋晒。4. 三文魚頭湯多骨，不過麵豉湯有魚味都幾香。兩個人食，全餐用左會員卡折扣大約 $245，連貼士 $250。