泰聚 (Moved) New Location

今晚帶左個外國朋友去食泰國菜，之前朋友揸車經過天水圍，已經見過呢間泰聚，咦，原來太子都有喎，啱曬😍地方好大，樓底好高，員工上菜快，感覺友善。泰式小食拼盤(細)138份量都不細，蝦餅春卷雞件魚餅雞翼炸物樣樣齊，十分香口抵食，蝦餅最美味呀。肉碎粉絲湯78似暖還寒嘅天氣，飲碗熱湯特別的暖胃，是比較清淡健康，但材料幾多樣化，玉子豆腐菇菌粉絲肉碎蔬菜等，帶點清甜。青咖哩牛腩98不辣的咖哩，汁醬不過杰，口味是濃郁的，牛腩肉挺入味，半肥瘦，汁夠多，配飯真的一流。椰汁榚泰國甜品的代表，賣相精緻，味道也不錯。原個菠蘿沙冰58x2好巨型，成個上既🍍樣子好可愛，d沙冰打得好均勻幼滑，好少細冰粒，味道香而且5太甜，解渴清爽，好好好好喝。大架勢呀，一大個其實兩個飲都得🤣我食到當賣甜品咁，說是菠蘿冰淇淋更適當吧😍食後感：地理位置唔錯，坐得ok舒服，野食都幾好，朋友都滿意，我都好開心。