燒肉臻 (Closed)

今日路過見到依間燒肉餐廳睇落唔錯，所以我就同一個鍾意食肉嘅朋友上黎試下。前菜食左依個番茄沙律，好清新，味道酸酸甜甜，非常開胃。之後我地就叫左甲羅燒。服務員會主動過黎幫我地燒，超好👍🏻咁我地就唔洗估估下究竟個食物熟左未🤣甲羅燒得好香，一啲都唔腥，香濃嘅蟹膏連埋梳打餅食，口感立刻提升一層。黎食燒肉，當然唔少得食和牛😆 今次我地就叫左依一塊日本和牛肉眼食。未燒之前，見到塊和牛嘅雪花都覺得正！店員幫我地燒到塊和牛5成熟，啱啱好！塊和牛油脂分佈均勻，入口即融，口感非常好，而且牛味好足。除左牛，我地都叫做豬勒條。豬勒條燒到脆脆地，香口，又係另外一個味覺享受。另外我地都叫左鰻魚。店員幫我地燒到鰻魚皮極脆，而家鰻魚嘅肉質燒到好嫩滑，配上鰻魚汁，食落口真係好滿足。除左鰻魚，我地都叫左虎蝦黎燒。啲虎蝦真係超大隻，有手掌咁大！燒完蝦肉食落好彈口，蝦膏仲要超多。除左燒肉正之外，餐廳嘅清酒放題都好出色，兩個鐘無限添飲！之前去日本旅行就見得多，第一次係香港見到。部清酒放題機有好多種清酒揀，而我最鍾意「作」依隻清酒。酒嘅厚度啱啱好，唔太甜，非常容易入口。個清酒放題仲有包其他嘢飲，飲到咁上下，飲下其他嘢飲解下酒都好。