Mee...lemongrass (Closed)

自從搬咗去石門，除咗附近京瑞成日去之外，馬鞍山都係會經常去行街食飯，今晚一家三口又去新港城行吓，睇吓有冇咩年貨要辦，行吓行吓行到五期呢邊，呢邊地方細D，但都有間實惠行吓，行咗一陣太座話要食飯，隔離就有呢間東南亞菜嘅餐廳，一於入去試吓；mee喇沙，裡面有蝦、魷魚、雞蛋、蜆、蟹柳、魚蛋同豆卜，配上傳統用嘅油麵和米粉兩溝，湯底又冇過濃搶味道，正呀!太座話好耐冇食酸辣鳳爪，我點咗無骨酸辣鳳爪沙律，好食到唔停到口，好醒胃；馬拉盞炒芥蘭，味道適中，唔似其他地方有過鹹嘅情況；紅豆伯爵奶茶冇叫少甜都唔太甜，茶夠滑，幾好，太座要嘅係黑糖鮮奶，裡面有仙草，佢話超好味，可惜熱飲我唔太好；我見到餐牌有馬拉一品牛柳粒，無骨海南雞都好吸引我，下次再嚟試吓先!