Video
Read full review
2012-05-24
4 views
今晚有事辦要來太子一趟, 因肚仔餓, 但好急趕無時間慢慢食晚餐所以諗住食少少嘢頂肚先, 夜啲再食過, 我倆就選擇了最近地鐵的京川滬, 之前在某週刊的'壹盤生意'專欄看到介紹這間店, 記得記者試過師傅各項包點小食都做得不錯所以採訪, 而文中提及老闆娘創業的故事及和師傅因不分花紅及其他問題而不咬弦的事反而令我們最有印象. 那位師傅當時已提及再不兌現承諾就走人, 果然我相信我們今天吃到的已不是他的手藝. 回正題, 我們吃了以下食物:-1. : 非常一般, 食唔出點四川, 而且細碗到幾啖食晒, 搞笑, 唔信各位自己去試吓, 無花無假, 大大個碗, 細細個麵2. : 要等佢煎成十分鐘, 以為食到即叫即煎的好嘢, 點知: 皮硬(唔係脆噃, 唔好誤會), 隻隻都唔爆汁, 改個咁嘅名真係搞笑, 餡料可想而知無特別, 食唔出肉味是必然的, 俾嗰廿蚊一客想點呢?! 我明我明, 依家做生意俾啲'咁嘅嘢'我哋食係'老馮'嘅, 我真係明噃... 3. : 又係即叫即蒸, 以為仲有一樣好食都好啦, 點知等咗咁耐, 一上枱四隻未夾就已經穿晒,穿晒呀!!!!!! 何來有湯汁?!!改個咁嘅名真係誤導!! 火都嚟
回正題, 我們吃了以下食物:-
1. [四川擔擔麵]: 非常一般, 食唔出點四川, 而且細碗到幾啖食晒, 搞笑, 唔信各位自己去試吓, 無花無假, 大大個碗, 細細個麵
2. [煎脆皮肉汁鍋貼]: 要等佢煎成十分鐘, 以為食到即叫即煎的好嘢, 點知: 皮硬(唔係脆噃, 唔好誤會), 隻隻都唔爆汁, 改個咁嘅名真係搞笑, 餡料可想而知無特別, 食唔出肉味是必然的, 俾嗰廿蚊一客想點呢?! 我明我明, 依家做生意俾啲'咁嘅嘢'我哋食係'老馮'嘅, 我真係明噃...
3. [湯汁小籠包]: 又係即叫即蒸, 以為仲有一樣好食都好啦, 點知等咗咁耐, 一上枱四隻未夾就已經穿晒,穿晒呀!!!!!! 何來有湯汁?!!
改個咁嘅名真係誤導!! 火都嚟, 但求其塞晒入口埋單走人就算喇, 唔通叫佢收番籠包, 取消佢咩, 我諗老闆娘啋我都傻.
千萬別以為我吃光了食物定必是太精采呢, 實情是因時間很趕要速戰速決的緣故, 吃完覺得搵笨所以我要寫出來, 又怕無相為証Openrice以為我故意抺黑不登出來所以無咩好影我都照影.
其實我嚟都係食鍋貼同小籠包啫, 大大隻鑊放門外煎, 應該都係佢嘅主打喇啩, 上枱一試真係覺得有無搞錯, 20蚊4隻, 5蚊一隻, 一啖5蚊, 好平咩? 又唔算, 平咗個加一囉, 不過咁嘅質素5蚊都俾多, 嘥咗我 Quota 食佢的話我寧願俾貴啲食入口食好啲, 諗落去霸王X莊, 王X沙, 翡翠XX專門店等等'連鎖店'好過啦, 28蚊起加埋一咪30零蚊, 但質素至少有保證, 咁耐以嚟真係未試過一籠嘢四隻都穿晒!!! 去'連鎖店'坐位又好啲, 仲多杯熱茶添, 我唔係想標榜/幫趁他們, 但真係呢間小店唔爭氣, 本來呢類小本經營大家應該支持吓, 即使得嗰幾個堂食位, 入得去坐嘅都預咗食完就走, 咩都唔計較, 迫又好, 無茶要叫豆漿無問題, 6蚊俾你! 支持你! 總之基本衞生OK就算o架啦, 但今日一試....你啲食品咁低水準, 叫3樣3樣都唔得 (杯豆漿唔計因為都係交來啦唔通你自己磨咩); 咁...相對而言, 仲貴過我去王X沙囉, 我仲點返轉頭呀? 無理由盲目支持啩~ 錢唔係最重要, 小女子年紀日漸老邁身軀日漸肥胖唔想嘥Quota食無謂嘢入肚呀~~
諗番本雜誌寫過老闆娘就係算得太盡所以同師傅不和, 師傅堅持要啲食物質素好所以要請長工去煎嘢唔好揾Part-time煎, 都有佢道理, 但我相信文章出街後無耐師傅都閃咗, 即係話老闆娘繼續佢嗰套淨係用投資角度睇, 唔理出品! [可能/或者佢以為間鋪個位咁旺, 啲嘢放得入口就客似雲來駛咩咁好食啩]......我用文字在此處想話俾佢知: 事實我食完覺得好唔掂喇....(不過我相信佢都係覺得我多餘 )
Post
