PRESS THE BUTTON coffee stand (Closed)

深水埗近日開咗好多間咖啡店，假期當然要慢活下，飲啖咖啡！行到去基隆街附近，突然一陣咖啡味撲過嚟！枱頭一望見到呢間超滿人嘅小店！決定試下！呢間舖唔似其他咖啡店，有位坐，整間舖最多只係可以企7個人。但地方唔係問題，因為杯咖啡值得！簡單嘅裝修，裏面擺咗啲日本咖啡同茶賣！夏天咁熱就叫咗杯iced latte！好香嘅咖啡味，冇咖啡烘焙嘅燶味！加咗奶同冰都好夠香咖啡味，值得一試！如果你想搵個位坐吓，呢間就唔啱你喇，但行過想喝杯清涼好味嘅咖啡，你可以試吓！