Video
Read full review
2020-02-21
3711 views
2020年武肺來襲，平時都唔會點慶祝節日，而節日對我尼講係一個食好西既機會。今年情人節前一日，忽發其想，之前係youtube睇人推薦尼間米芝連三星粵菜，睇人講好難訂到位，但係武肺既庇蔭下，輕易就訂到聽日既午餐。只係透過留電話同姓名，做簡單訂咗位，訂嗰陣佢會問你係咪慶祝特別節日。之所以訂午餐，係因為中午時段先有鮑魚酥食！一去到會問你飲咩茶，我地簡左龍井+鐵觀音，龍井無咩味，鐵觀音還可以。點心最少叫2件，逐件計錢。第一樣：皇湯龍鳳粉果$66@2龍蝦肉好彈牙👍🏻好鮮，皮薄餡靚。第二樣：荀尖鮮蝦餃$66@2👍🏻一樣皮薄餡靚，但隻蝦肉老左少少，不過都係我食過最好食嘅蝦餃。第三樣：蟹肉鮮蝦燒賣$66@2👍🏻肉質結實，食得出豬肉好新鮮，唔似一般酒樓食到一嚿嚿好多粉漿同肥肉，重點係上面個堆蟹肉，十分鮮甜，超級正👍🏻👍🏻第四樣：豉汁龍蝦菜苗餃$78@1一樣皮薄餡靚，龍蝦肉新鮮彈牙，豉汁惹味。第五樣：紅乳崧子叉燒酥皮包$66@2本身想叫佢哋個菠蘿叉燒包，但係咁岩今個星期轉左，上面酥皮相對地比較少，餡料比較濃味，加左崧子增加口感。正正常常嘅叉燒包。第六樣：原隻鮑魚雞粒酥$82@1重頭戲尼啦，亦都係我最期待嘅
之所以訂午餐，係因為中午時段先有鮑魚酥食！
一去到會問你飲咩茶，我地簡左龍井+鐵觀音，龍井無咩味，鐵觀音還可以。
點心最少叫2件，逐件計錢。
$850
57 views
2 likes
0 comments
龍蝦肉好彈牙👍🏻好鮮，皮薄餡靚。
第二樣：荀尖鮮蝦餃$66@2
👍🏻一樣皮薄餡靚，但隻蝦肉老左少少，不過都係我食過最好食嘅蝦餃。
第三樣：蟹肉鮮蝦燒賣$66@2
👍🏻肉質結實，食得出豬肉好新鮮，唔似一般酒樓食到一嚿嚿好多粉漿同肥肉，重點係上面個堆蟹肉，十分鮮甜，超級正👍🏻👍🏻
第四樣：豉汁龍蝦菜苗餃$78@1一樣皮薄餡靚，龍蝦肉新鮮彈牙，豉汁惹味。
第五樣：紅乳崧子叉燒酥皮包$66@2
本身想叫佢哋個菠蘿叉燒包，但係咁岩今個星期轉左，上面酥皮相對地比較少，餡料比較濃味，加左崧子增加口感。正正常常嘅叉燒包。
第六樣：原隻鮑魚雞粒酥$82@1
重頭戲尼啦，亦都係我最期待嘅鮑魚雞粒酥！果然冇失望，撻皮唔會比餡料搞到濕晒或者唔脆，上邊嘅鮑魚好入味同淋，配搭中間嘅雞粒，兩者互相輝影，相輔相成，整個口感層次有脆有軟，食到鮑魚嘅鮮味，雞粒嘅鹹香，撻皮嘅牛油香味。最細心嘅係佢已經幫我切開左三件，外表睇唔出，但一咬落去就知，咁就唔使食得咁狼狽，而且就算佢已經切開咗都唔會影響個酥皮剝落，或者係散左。超級推！
第七樣：海皇雞絲湯羹$340@1
咁細碗已經要呢個價錢，絕對係啖啖黃金，但係個味道絕對對得住個價錢。入面有好由細嘅雞絲同蟹絲，金菇絲、蘿蔔絲、蔥絲等，全部都係好幼細既絲，所以唔需要再咬。 而每一種材料都係發揮到佢嘅作用，即使好少既青蔥絲，都會感受到佢係呢碗湯入邊發揮到作用。最誇張嘅係，一飲落口，直頭覺得自己食緊隻雞，比雞更濃雞味。好深奧嘅一句，但真係試過先知我講咩。就算咁貴一碗都絕對值得一試。
第八樣：龍帶肉梨香$240@4平均除翻開$60一粒，真係幾貴😂雖然係餐牌上唔係主廚推介，但係聽講係得獎菜式，都要一試。 帶子肉爽口鮮甜，下面係一片梨子，很清甜的。包裹一層粉漿然後炸，上面粉紅色嘅係金華火腿有畫龍點睛嘅作用。一啖咬落去帶子嘅咸配上梨子嘅甜，好特別嘅味道，令人眼前一亮。
第九樣：XO醬炒腸粉$200@1
人生食過最貴嘅XO醬炒腸粉，因為老公好鍾意食所以都叫左。喺出面食過依道菜都知道好多酒樓做得好差，例如配料不足、太油膩、太濕、唔夠醬料、唔夠鹹味。呢碟腸粉可以話攞到95分，仲有5分係可以再炒得乾身少少，咁就完美啦。
第10樣：楊枝甘露$92@1
可能因為太多人推介嘅關係，對佢期望好高，無可否認甘露芒果汁係做得唔錯，亦都好多配料，唔會用西米濫竽充數，但係亦冇令我有驚訝嘅感覺。
第十一樣：椰汁紫米露$82@1
而家好少地方有紫米露可以食啦，紫米味好香，唔會太甜，仲加咗啲百合增加口感，美中不足嘅係太細一碗！兩啖就食晒唔夠！
最後係送嘅美點雙輝，椰汁紅豆糕、奶黃酥。其實呢兩樣甜品我都麻麻哋，不過佢都做得唔錯幾好食！
買單總共，$1621，飲個茶來講真係好貴，不過呢個價錢同佢嘅食物品質絕對係值得。
唯一可以再改善嘅係，服務態度可以更好，因為有幾次係要主動叫侍應過嚟先幫我地斟茶，而且態度不夠和藹。
Post
