Video
Read full review
2012-04-04
896 views
諗左好耐,成班朋友慶祝生日去邊度食...目標都係東南亞野食...搵下搵下...最後見lei度好似唔錯,又有facebook coupon有85折,同埋生日有蛋糕同酒送...又有網頁有menu睇,見d野食都ok,又唔算太貴..就黎lei度啦~~~~打黎訂位時,服務員態度好好,其實我前後打左三次問野...我問生日coupon可唔可以同85折coupon用,佢地話ok...跟住我又問了蛋糕可唔可以寫埋字,佢又話ok...咁我覺得都幾ok丫...我地有成9個人,坐左個位周圍都冇乜人,可以傾計無人嘈住,出面都有露天位,見到d外國朋友食得都好開心,飲酒食野談天說地...同埋我地coupon仲大有支紅酒送架, 我地一氣過叫左好多野食,直情係叫多左...叫左成十幾樣野呀...叻沙, 我都幾鍾意食lei個馬拉野, 又唔算辣,有椰香味, 又多料,有蝦有魚蛋,雞肉,雞蛋,豆卜,係瀨粉, 都幾好呀,不過食少少好喇,留肚食其他 肉骨茶, 都好耐冇飲過,唔係人人接受到個藥材味, 不過個肉骨茶就麻麻地,好似好油咁...家鄉福建薄餅, 星加坡都有好多福建人住,可能就係咁...食馬拉野會出現左福建o既名, lei個薄餅
打黎訂位時,服務員態度好好,其實我前後打左三次問野...我問生日coupon可唔可以同85折coupon用,佢地話ok...跟住我又問了蛋糕可唔可以寫埋字,佢又話ok...咁我覺得都幾ok丫...
我地有成9個人,坐左個位周圍都冇乜人,可以傾計無人嘈住,出面都有露天位,見到d外國朋友食得都好開心,飲酒食野談天說地...
同埋我地coupon仲大有支紅酒送架, 我地一氣過叫左好多野食,直情係叫多左...叫左成十幾樣野呀...叻沙, 我都幾鍾意食lei個馬拉野, 又唔算辣,有椰香味, 又多料,有蝦有魚蛋,雞肉,雞蛋,豆卜,係瀨粉, 都幾好呀,不過食少少好喇,留肚食其他
肉骨茶, 都好耐冇飲過,唔係人人接受到個藥材味, 不過個肉骨茶就麻麻地,好似好油咁...
家鄉福建薄餅, 星加坡都有好多福建人住,可能就係咁...食馬拉野會出現左福建o既名, lei個薄餅都幾得意,個皮軟熟,入面包左好多料,有生菜,蝦肉, 蛋,花生碎, 豆腐乾咁,少少酸甜, 又有少少辣, 試試無妨...
胡椒脆雞翼,以為好辣,其實都唔係...一般o既炸雞翼,不過加左黑胡椒,香口d...燒豬頸肉拼泰式炸豆腐, 兩樣都炸得乾身左d,豬頸肉就仲乾, 個汁就辣辣地惹味d ,lei個麻麻啦...
咖哩牛腩同油酥餅, 因為我要戒牛一排,所以都係點汁食油酥餅, 見牛腩都幾大舊下, 不過個汁就好油,冇乜咖哩味, 我地見油多過汁, 個油酥餅一客兩塊, 都幾香口, 可惜個汁麻麻地,唔係就更好食...
粉絲蝦煲, 原來d湯都好多, 好濃蝦味, 蝦都好大隻, 初初以為係粉絲係索晒汁乾身d o個隻,原來係成煲野係湯粉絲, 但就蝦味夠...熱辣辣...海南雞, 叫左半隻, 黃色幾肥美, 肉質都林身算滑,有雞味, 比胸位,啖啖肉幾好味, 點埋汁食仲好...
沙嗲串燒, 黎得沙嗲軒都要食下串燒o既,叫左一打豬牛雞都有, 燒得o岩o岩好,無乾淨淨有肉汁,但沙嗲醬就麻麻,濃得黎唔夠沙嗲味...
馬拉盞炒通菜, 個菜好老呀, 炒得太油,唔太好...好似無鑊氣tim...
炸春卷, 表面炸得都唔算太金黃,但入面反而炸到有d過火, 好似cut開左再炸多次咁, 一般般...地道炒貴刁, 其實好似乾炒牛河咁不過無牛肉, 都係河粉咁,有蛋,有韮黃,有芽菜, 味道都ok, 少少油就在所難免...
星洲蘿蔔糕, 炒個汁甜甜地幾好味, 但蘿蔔糕就炒得散左d,可能切得細粒左d...
嘩,原來我地叫左14樣野食, 雖然9個人叫就唔算太多, 可能佢d粉量都唔算少, 我地有d又叫double,真係好飽啊...無叫甜品食喇,因為有蛋糕準備左比我地,雖然係普通cream cake,但佢又幫我寫埋字比我兩位生日o既朋友, 個蛋糕都ok架, 好多生果都幾靚
今餐食咁多野都唔算太貴,每樣野食都係正常價, 開頭以為酒店入面食都會貴d,但一個人唔使200蚊, 又有埋cake同紅酒, 環境又ok, 如果叫少d野食可能會便少少,下次再試下先...如果唔太熱會試下坐出面...Post
