Ocio (煙廠街) (Closed)

黎Ocio呢個間窩夫專門店食飯點可以唔食窩夫，我就揀左奧斯特選早餐（$98）。跟餐送餐湯，今日係忌廉粟米湯。特選早餐黎喇！雞扒有成隻攤平既手咁大，平均1cm厚！窩夫有四分一塊，鬆軟得黎，又唔會腍，加啲蜜糖好滋味。烤蕃茄好大好大個。煙三文魚有捲埋兩大塊。平時食All Day Breakfast只會嫌唔夠既我呢個大胃王，今次都要投降啊，要放棄薯條同半條腸仔，因為仲要留肚食呢度既甜品。甜品揀左雙層咖啡芝士蛋糕（+$19，原價堂食$39，外賣$29）。都幾大件，一開始略嫌唔夠咖啡味而且比較甜，食到過半開始食到榛子味同咖啡味。餐飲本身包$33以下飲品，我就+$15揀左杯玫瑰咖啡。上面有片片玫瑰，飄來陣陣香氣。味道相對無咁甜，平衡番蛋糕既甜味。