祥仔辣辣 (海運大廈) (Closed)

趁著平日放假，行了一轉尖沙咀海港城誠品， 揾間坐得舒服嘅餐廳lunch再繼續。 行經LCX 發現了 『祥仔辣辣』， 立刻兩眼發光因為有我哋喜歡嘅酸菜魚😍裝修時尚型格， 配襯着維港靚景， 感覺悠閒。 同時間又可以食辣嘢刺激醒神。招牌祥仔酸菜魚$248湯底好鲜， 一啲都唔油膩， 酸中帶魚香。用上原條海鱸魚起肉， 魚肉嫩滑好入味， 刀工不錯，丁點細骨也沒有。 分量非常有睇頭～ 難得魚肉有十多件，竟然比其他配菜還要多！酸菜比例啱啱好， 其他配菜也很豐富， 芽菜，蓮藕， 萵筍。。 揀了微辣， 其實可以小辣， 因為覺得麻味強烈過川辣味～香菇海鮮泡飯午餐$148泡飯湯底同樣鮮甜， 吃畢也不感到口渴， 相信無添加味精或過份調味。 海鮮有蝦仁，墨魚， 蟹柳， 估唔到外表平平無奇，但成個泡飯都充滿海鮮味道， 湯底取勝！午餐包括指定特飲。蜜糖梳打及青蘋果梳打， 梳打夠汽夠凍，食辣嘢好緊要㗎～麻婆豆腐石鍋飯午餐$108麻婆豆腐醬汁爆炒得又香又惹味， 麻辣川辣恰到好處 。豆腐不是那種普通預製豆腐花， 而是似臭豆腐那種質感， 比較硬淨結實， 所以好入味好掛汁。 石鍋飯還好不是熱到會有飯焦， 蛋炒飯keep住溫度👍