Video
Read full review
2023-03-16
55 views
Blendin Restaurant & Lounge 📍銅鑼灣糖街25-31號Sugar+19樓Sugar+ 開咗好多新嘅靚餐廳，重點係大部分都有同靚景！想去啲有景有格調嘅餐廳豪一豪又多個新landmark!💓我地揀咗間日法Fusion 餐廳慶祝，知道佢有個大露台，所以都早咗咗少少到，趁日落前可以出去影下相打卡！超大露台可以同時serve 好幾檯客，仲可以飽覽180 度維港景色！相信係度食個Tea 打卡應該好靚之餘亦會好chill！🎠室內裝修都係走純白簡約設計，其中兩個卡位用咗大量乾花點綴，帶點少女風，又係另一個影相位。特別之處係餐廳只提供兩款Menu，分別係6 Course Tasting Menu $788 同 8 Course Luxury Menu $988。🔸原味及紫薯法包 配 黑芝麻黑炭海鹽牛油牛油的確係幾特嘅，非常幼滑又帶微咸。🔸JAPAN SALMON ROE WITH FIG TOFU日本豆腐加上三文魚籽同無花果，再配以黑醋做調味。呢個配搭幾清新，無花果新鮮清甜，加上未有特別醃製過嘅三文魚籽可以增加口感，而且黑醋又帶點微酸。一個唔錯嘅開胃小食。🔸HOKKAIDO S
📍銅鑼灣糖街25-31號Sugar+19樓
Sugar+ 開咗好多新嘅靚餐廳，重點係大部分都有同靚景！想去啲有景有格調嘅餐廳豪一豪又多個新landmark!
💓我地揀咗間日法Fusion 餐廳慶祝，知道佢有個大露台，所以都早咗咗少少到，趁日落前可以出去影下相打卡！
超大露台可以同時serve 好幾檯客，仲可以飽覽180 度維港景色！相信係度食個Tea 打卡應該好靚之餘亦會好chill！
🎠室內裝修都係走純白簡約設計，其中兩個卡位用咗大量乾花點綴，帶點少女風，又係另一個影相位。
特別之處係餐廳只提供兩款Menu，分別係6 Course Tasting Menu $788 同 8 Course Luxury Menu $988。
🔸原味及紫薯法包 配 黑芝麻黑炭海鹽牛油
牛油的確係幾特嘅，非常幼滑又帶微咸。
🔸JAPAN SALMON ROE WITH FIG TOFU
日本豆腐加上三文魚籽同無花果，再配以黑醋做調味。
呢個配搭幾清新，無花果新鮮清甜，加上未有特別醃製過嘅三文魚籽可以增加口感，而且黑醋又帶點微酸。一個唔錯嘅開胃小食。
🔸HOKKAIDO SCALLOP CARPACCIO
西餐常見嘅Starter.
日本北海道帶子再加手磨山葵配柚子醋，山葵唔會太搶味，清幽淡雅。
🔸TRUFFLE MUSHROOM SOUP
黑松露蘑菇湯細滑，稀杰度適中，未有太濃烈黑松露或蘑菇味，淡口味人士會好鐘意。
🔸JAPANESE HIROHIMA OYSTER SOUP
日本廣島鮮蠔湯，盤邊有原隻熟廣島蠔，湯屬於偏流質但蠔味濃厚，第一次品嘗呢種味道嘅湯。🔸JAPANESE STRIPLION WAGYU A4
日本A4 和牛，屬於牛腰脊部位較前位置，脂肪比例適中。雖然烹調效果比較生，但口感富彈性得來又偏軟腍，而且冇血水，根嘅位置唔多，肉味都算甜。
🔸CLARIFIED BUTTER SOUS VIDE LOBSTER TAILS
透過慢煮而成嘅龍蝦，厚肉彈牙，再淋上龍蝦汗更惹味！
🔸LANGOSTINOS CORDYCEPS MILITARIS LINGUINE
挪威海螯蝦意粉用咗松露海鹽做調味，肉質鮮甜紮實。Linguine 充滿咗蝦膏嘅味道！
🔸SEA URCHIN RISOTTO
海膽意大利飯為咗迎合亞洲人口味，煮得比一般意大利飯腍，飯底用咗海膽汁做調味，亦都加入咗啲本菇同三文魚籽增強口感。我自己就比較喜歡煙靭感重嘅食物。
🔸CHEF SELECTION OF DESSERT
今晚嘅Dessert 係朱古力心太輕配雲呢拿雪糕。
🍸飲品方面，我地另外加咗兩杯Mocktail。 用咗花花做裝飾，賣相幾靚好適合打卡！
🍹Lavender&Rose 🌹
Strawberry, Cranberry Juice, Lemon Juice, Lavender Syrup, Rose Syrup, Soda Water
🍹Fairy 🧚♀️
English Breakfast Tea, Lemon Juice, peach syrup, lychee juice
Post
