Video
Read full review
2018-08-11
638 views
放假同朋友去咗將軍澳做gym，做完差唔多6點幾，就喺附近東港城搵野食。見到呢間新開張既餐廳$84有咁大碗龍蝦喇沙，又坐滿人，所以即刻攞籌入去試下！等左大約10分鐘就有位，準備開動～因為做完運動，胃口特別好，所以點咗幾樣嘢食。首先就有個軟殻蟹米紙卷，呢個米紙卷同平時食開嘅有少少唔同，平時多數會用米粉做餡，但呢到既餡除咗包住軟殻蟹外，竟然仲有芒果同牛油果，同沙律菜，食落口感豐富，好fresh，唔會好乾爭爭！好吃！跟住就叫咗個串燒海蝦，啲蝦燒得好香，而且隻隻都好大隻，啖啖肉，補充番啲蛋白質。仲有香口既多士同波蘿做伴菜，非常豐富。原隻波士頓龍蝦喇沙！嘩，真係唔講得笑，隻龍蝦大隻過手臂，勁多蝦肉蝦膏，好好食！而個喇沙惹味得黎帶有濃濃奶香，有油麵同米粉兩溝，仲有好多豆卜，索晒啲湯，正！除咗幾個主食，我地仲叫咗杯士多啤梨沙冰，勁大杯，兩個人飲都未必飲得晒，而且杯冰仲有士多啤梨果肉，好抵飲同好好飲！估唔到將軍澳都有咁高質嘅馬來西亞餐廳，值得推介！下次黎做hym再試埋其他款先！
因為做完運動，胃口特別好，所以點咗幾樣嘢食。首先就有個軟殻蟹米紙卷，呢個米紙卷同平時食開嘅有少少唔同，平時多數會用米粉做餡，但呢到既餡除咗包住軟殻蟹外，竟然仲有芒果同牛油果，同沙律菜，食落口感豐富，好fresh，唔會好乾爭爭！好吃！
跟住就叫咗個串燒海蝦，啲蝦燒得好香，而且隻隻都好大隻，啖啖肉，補充番啲蛋白質。仲有香口既多士同波蘿做伴菜，非常豐富。
原隻波士頓龍蝦喇沙！
嘩，真係唔講得笑，隻龍蝦大隻過手臂，勁多蝦肉蝦膏，好好食！而個喇沙惹味得黎帶有濃濃奶香，有油麵同米粉兩溝，仲有好多豆卜，索晒啲湯，正！
除咗幾個主食，我地仲叫咗杯士多啤梨沙冰，勁大杯，兩個人飲都未必飲得晒，而且杯冰仲有士多啤梨果肉，好抵飲同好好飲！
估唔到將軍澳都有咁高質嘅馬來西亞餐廳，值得推介！下次黎做hym再試埋其他款先！
Post
