茶茶台式料理 (Closed)

同男朋友本身想試隔離間阿木台灣野，耐何去左阿木兩間分店睇都係太多人排隊。唔想等既情況下，入左去試左呢間，自助掃code落單既，無人招呼，餐牌上有疑問，都係我自己走出去揾人問，埋單又係自己出去埋，唔明白點解要收加一服務費？就係單單送餐個下？無服務可言。野食方面，叫左臭臭鍋同雞扒麵，加左杯野飲，臭臭鍋知道係一人份量，但係都未免太少，每樣配料都係得一粒／一舊，牛肉雖然有幾塊，但感覺似牛肉碎咁，細細塊，最後食唔飽加錢落多個粉絲。雞扒麵比較好，雞扒炸得幾好味，唔會硬，麵就普通，無乜特別。野飲叫左個奶蓋茶，唔記得名，味道一般，野食加野飲係無優惠既。坐位都坐得比較鬆動舒服，但性價比唔高。