后海灣小廚

Open Now

Now Closed

因為太遲去到流浮山，想食海鮮，但係間間師傅都落曬場。經過呢間，以為普通茶餐廳，唸住求其食啲嘢算。叫左個炒班球午餐同一碗魚蛋米線。魚蛋米線個湯味道一啲都唔淡，比好多地方濃味好多，魚蛋都無差，最好味係嗰兩塊炸魚皮，魚味濃，夠脆，我問有無得買，佢哋話自家製無得賣。$40 連凍飲炒班球份量唔大，班球一啲都唔hea唔係雪嘅，啲魚皮煙韌，炒得有鑊氣，有少少補償食唔到海鮮嘅不快。$70連凍飲同行友人同我一致覺得佢哋個凍擰茶好飲。佢哋話可以帶海鮮去加工，下次再試。