南島書蟲

Open Now

Now Closed

無期望就無失望用喺呢一間餐廳度真係最合適不過。D野食影相睇落去好正咁，不過食落就……先講個意粉︰煙三文魚蒜香橄欖油意粉。D煙三文魚係OK嘅，有少少魚油，唔係用乾爭爭嗰D下價貨，不過個意粉真係出晒事，咬落去偏韌都唔係問題，因為外國(尤其是意大利)，佢地D意粉好多時都係韌韌地，有時仲半生熟添，不過呢間野嘅意粉淡而無味，完全索唔到D汁同埋D橄欖油。跟住講個Pizza，我地叫咗個Pizza B，配料有鮮茄、意大利莎樂美腸同埋橄欖。個Pizza的Size唔係好大，配料都OK，不過個餅底就唔得，太乾太韌，好似用微波爐返叮麵包之後等咗一陣先食嗰種口感，以一個$120嘅Pizza黎講，真心失望。另外仲叫咗杯青瓜汁，可能係最正常的一樣。埋單要$288，消費高質素低。