喜茶 (荃新天地)

Open Now

Now Closed

肥仔無回鄉咭，見到喜茶終於開到去荃灣荃新天地，經開荃灣突然想飲返杯野，於是去睇下好唔好飲，始終佢哋係茶飲同芝芝茶開創者，係茶飲界星巴克！🥤超多肉芒芒甘露🥤杯頂嘅奶蓋香醇幼滑，仲有超多芒果肉、柚子肉同西米，仲有椰果𠻹，有啲似飲品版嘅楊枝甘露，食咗一大碗糖水咁，又唔會好甜，又夠濃厚。推薦！🥤芝芝多肉青葡萄🥤青葡萄嘅酸甜口感適中，仲有清新嘅新鮮香印青提。而杯面嘅芝士令成杯飲品更加濃郁，口感豐富，果醬同果肉帶來清爽感，口感清新而豐富。總結，喜茶最岀名芝芝系列的確岀色。呢兩杯飲品都有獨特嘅口感和味道，無論鍾意濃郁囗感還是清新口感嘅人，呢兩杯飲品都絕對啱晒你心水！唔怪得內地分店咁多人排隊！