Video
Read full review
2022-10-09
4734 views
大家去過台灣都知無老鍋係有幾出名，難得香港開分店，點可以唔試？ 食過台灣嘅無老鍋，就好自然互相比較，睇下係咪台灣原味道。結果一如其他評論一樣，非常之失望⋯⋯鴛鴦鍋 （冰淇淋豆腐鍋+無老辣香鍋）鍾意食無老鍋好大原因都係因為佢哋個藥膳湯底。同台灣一樣只有兩款湯底白湯鍋/麻辣鍋，但分別係白湯要配搭人參要每位加$10（台灣係包埋），為左追求原味道當然要加。我哋叫左鴛鴦鍋（冰淇淋豆腐鍋+無老辣香鍋），但冰淇淋豆腐每人只有一粒，想再叫要每粒$10，乜有咁珍貴？每位要$88 都叫合理價錢，但原來每枱都要額外收費$88，即係2個人要俾3個人錢？唔係好明點解俾完人頭費仲要每枱收費，台灣都唔會咁計，而且香港咁多火鍋店都未見過會咁玩法。好啦，只要係值得嘅都抵俾。先講白湯鍋，就算加左人參，都冇台灣果種超強嘅藥膳+人參嘅味道，可能係為左香港人口味？但咁樣仲係咪無老鍋？至於個麻辣鍋，其實唔係幾辣，湯底味道都濃郁，不過食到後尾就會太咸。可能回憶的味道永遠是最好的。論湯底，其實同台灣無老鍋已經打左好大嘅折扣…鴨血豆腐都一如以往好味，而且係無限添加，職員都會主動幫你添加唔洗自己叫，算係無老鍋一大賣點之一。由於湯底覺得收
鴛鴦鍋 （冰淇淋豆腐鍋+無老辣香鍋）
50 views
0 likes
0 comments
鍾意食無老鍋好大原因都係因為佢哋個藥膳湯底。同台灣一樣只有兩款湯底白湯鍋/麻辣鍋，但分別係白湯要配搭人參要每位加$10（台灣係包埋），為左追求原味道當然要加。
我哋叫左鴛鴦鍋（冰淇淋豆腐鍋+無老辣香鍋），但冰淇淋豆腐每人只有一粒，想再叫要每粒$10，乜有咁珍貴？每位要$88 都叫合理價錢，但原來每枱都要額外收費$88，即係2個人要俾3個人錢？唔係好明點解俾完人頭費仲要每枱收費，台灣都唔會咁計，而且香港咁多火鍋店都未見過會咁玩法。
好啦，只要係值得嘅都抵俾。先講白湯鍋，就算加左人參，都冇台灣果種超強嘅藥膳+人參嘅味道，可能係為左香港人口味？但咁樣仲係咪無老鍋？至於個麻辣鍋，其實唔係幾辣，湯底味道都濃郁，不過食到後尾就會太咸。可能回憶的味道永遠是最好的。論湯底，其實同台灣無老鍋已經打左好大嘅折扣…
手工蝦滑 （台灣直送）
$108
27 views
2 likes
0 comments
鴨血豆腐都一如以往好味，而且係無限添加，職員都會主動幫你添加唔洗自己叫，算係無老鍋一大賣點之一。
濃香豆皮（4個）（台灣直送）
$68
19 views
0 likes
0 comments
由於湯底覺得收費好唔合理，再加上所有食材都偏貴，我哋都冇再叫太多食物。
手工蝦滑 （台灣直送）$108
蝦滑好食，蝦彈牙鮮味濃郁，不過價錢偏貴
濃香豆皮（4個）（台灣直送）$68豆皮係好食，佢夠厚身，能夠充份吸收啲湯汁一齊食。不過連豆皮都要標榜台灣直送，就有點那個😅
老油條（6條）（台灣直送）
$68
28 views
0 likes
0 comments
老油條夠脆，不過唔可以浸太耐會好快淋。如果叫左豆皮其實可以唔洗叫啲個。
水蜜桃沙冰
食到一半，職員就會送上一瓶水蜜桃沙冰，用嚟解膩，味道酸酸甜甜又夠凍係幾清新的。
水蜜桃沙冰
32 views
0 likes
0 comments
總括而言，啲間火鍋店係走中高檔路線，講究食材同服務質素。但無論佢嘅環境、服務、湯底，都同台灣無老鍋有段距離，價錢偏貴而且收費方式不合理，性價比係極低。失去左無老鍋嘅精髓，只係掛個名號，做唔起都係好正常。唔會食第二次，都係留番去台灣先再食。
P.S. 其實同集團𣄃下「鼎王」都係主打鴨血豆腐麻辣火鍋，個人覺得鼎王嘅麻辣鍋好食好多（完全唔同味的），食材都係差唔多，而且長期有折扣比較抵食。
食物：❇️❇️❇️❇️
環境：❇️❇️❇️❇️
服務：❇️❇️❇️❇️
價錢：❇️❇️
翻兜指數：❇️
Post
