Video
Read full review
2018-03-20
57 views
無法抗拒既大頭蝦 平時收工都收得夜，好彩朋友們都好肯就我去尖沙咀食飯，今次我就帶佢地去食泰國野。呢間泰燒遙係我同同事平時食lunch都會去既地方，我見Lunch都OK唔錯，Dinner都應該冇問題既！ 我地點左幾樣野食，分別係生蝦刺身，串燒同埋小食拼盤。生蝦刺身用Shot杯上，擺得都幾唔錯架，仲要加埋D醬料係上面，食落去又夠Fresh，食到D蝦又夠新鮮，每次去食泰國野都要黎一碟生蝦刺身呢！ 串燒方面，我地輕輕點左雞肉同豬肉串，佢地既串燒係以一串串做單位既，如果多人可以點多點，少人既咪點少D，份量方面咁樣安排就啱晒唔同人數既客人，我地小小地2個人都唔怕食唔晒。而且D串燒燒得啱啱好，再加埋泰式醬汁加上去，真係好有泰國風味！我自己就最中意雞肉串燒啦！ 雖然而家做緊個泰國潑水節既Promotion，大肉蟹$99蚊。但係見到隔離食海鮮，我地都心癢癢，最後點左隻大頭蝦。廚房已經拆好肉，食個陣又唔會整污糟自己，啖啖肉真係好正呀！超級推介！by the way, 如果中意食海鮮既，呢個Promotion應該都幾啱你既！ 講返個大頭蝦，個蝦頭仲有勁多羔，有點估你唔到！ 順帶一提 佢地而家有個擲骰仔既遊戲
生蝦刺身用Shot杯上，擺得都幾唔錯架，仲要加埋D醬料係上面，食落去又夠Fresh，食到D蝦又夠新鮮，每次去食泰國野都要黎一碟生蝦刺身呢！
串燒方面，我地輕輕點左雞肉同豬肉串，佢地既串燒係以一串串做單位既，如果多人可以點多點，少人既咪點少D，份量方面咁樣安排就啱晒唔同人數既客人，我地小小地2個人都唔怕食唔晒。而且D串燒燒得啱啱好，再加埋泰式醬汁加上去，真係好有泰國風味！我自己就最中意雞肉串燒啦！雖然而家做緊個泰國潑水節既Promotion，大肉蟹$99蚊。但係見到隔離食海鮮，我地都心癢癢，最後點左隻大頭蝦。廚房已經拆好肉，食個陣又唔會整污糟自己，啖啖肉真係好正呀！超級推介！by the way, 如果中意食海鮮既，呢個Promotion應該都幾啱你既！
講返個大頭蝦，個蝦頭仲有勁多羔，有點估你唔到！ 順帶一提 佢地而家有個擲骰仔既遊戲，每枱可以擲一次，只要擲中圍骰或者兩個一樣數目既，就會送你相對應既美食，例如係送一支白酒，送小食拼盤等等，最勁既就係全單免找數！！！！擲一次骰贏個機會呀嘛！
Post
