栢檔極品海南雞飯

Open Now

Now Closed

同阿女去咗九龍灣shopping,行下行下行咗去淘大商場，商場開咗好多食店，其中有間栢檔極品海南雞飯，阿女知我好鍾意食海南雞飯，立即話入座去試吓呢間新店。餐廳地方不算大，但整體乾淨衛生，招呼又好。栢檔極品海南雞飯：用咗高質素嘅無激素、無抗生素鮮雞做，首先係食得健康，雞已去骨啖啖肉，食落皮薄爽滑，雞味濃郁且嫩滑。配搭三碟醬料：油蔥、甜辣醬、醬油。滋味更加豐富。油飯粒粒甘香惹味，軟硬適中。加咗碗皇牌無味精靚湯，老火湯喺用南瓜、粟米、紅蘿蔔、豬骨煲，味道香甜濃郁。滷水元蹄飯，元蹄。滷水調味恰到好處，保留著大量的膠原蛋白，肉質嫩滑，吃起來沒有油膩感之餘，仍能保持著相當的彈性。 一口咬下去，外皮爽口彈牙，滿口粘稠的膠原蛋白吃起來十分甘香。肉骨茶非常足料，用上貴價一字肉排骨、豆卜、沙參玉竹、龍眼肉杞子等藥材熬製，湯汁濃郁香甜。