LAB10 (Under Renovation)

🉐無煙韓燒🉐食肉獸福地〈Supreme B set〉依個餐真係性價比之選，價錢抵之餘肉類款式都非常多🤩牛就有美國安格斯牛板腱，美國安格斯牛肩肉，安格斯牛脊肉，安格斯一口牛，韓式梨汁牛五花，韓式燒汁牛排，首爾牛肋條，厚切牛舌等等🥩🥩。所有牛嘅肉質都非常嫩滑🤤，好香牛味🐮，大部份燒十幾秒就已經食得😆豬同雞嘅種類都好多，例如有甜辣雞翼🍗，韓式豬五花🥓，秘製豬肋骨🦴，柚子豬頸肉等🐷。再加埋海鮮例如魷魚🦑，廣島蠔🦪，蜆🐚都係飲食，豬肉一啲都唔韌，海鮮又夠新鮮，作為食肉獸同海鮮狂迷都真係食到好滿足😍等緊肉熟嘅同時，仲可以食住出邊自助嘅沙律吧同埋小食，例如有無骨鳳爪、脆薯條、白酒蜆等等，真係唔驚餓親啊！飲品方面不單止任飲選擇都好多，除咗汽水🥤，仲有唔同種類嘅水果梳打🍹例如青蘋果梳打🍏，士多啤梨梳打🍓，菠蘿梳打🍍等等，佢啲梳打仲可以嗌少甜，唔飲得甜嘅朋友仔都唔怕嗌啦🤪