Video
Read full review
2022-01-04
1285 views
假日搵親子地方去，上網搵到呢個香港唯一個鮮奶農場。我地先去川龍飲完茶，跟住用導航去呢個農場，app 教喺錦上路經牛徑村馴入，入左半條村發覺好唔妥，要喺村屋與村屋間既位慢慢駛入，穿過兩條罅隙之後就放棄咗，調頭都要用十手軚先得。心諗若果有製造鮮奶應該條路大到可以貨車行得過先岩。跟住再研究地路線再由荃錦公路試，終於成功駛到去雷公田小巴站。小巴站旁有條單線車路，入口旁掛住個牌寫住鮮奶農場，但下面一句就寫住不設泊車。於是便停左架車行落去。途徑兩個燒烤場同郊野公園公廁，大約行15分鐘。大部份路都只容一架車經過，有兩三個避車處但都泊咗車。我去嗰陣都成4點幾，走嗰陣有啲車都走，幾架車出出入入打晒交，所以最好都係唔好揸車入。入到農場，其實對外開放範圍好細，頂多得個半籃球場，有幾張檯被遊客食麵。小食亭有麵有格仔餅有燉奶有鳥結糖，但竟然搵唔到鮮奶。於是問一問店員做咩唔見有牛，位叔叔有尷尬咁講半年前開始就已經無牛，因為政府唔比續牌養乳牛。咁既話連香港唯一既鮮奶農場都無埋。真係唔知箇中原因。個農場有少少牛奶沐浴露、鮮榚點同小食賣，有幾隻羊食可以餵下草（幾蚊一紮），若果行山經過食碗嘢無所為，但若果專登去就或者會令
假日搵親子地方去，上網搵到呢個香港唯一個鮮奶農場。我地先去川龍飲完茶，跟住用導航去呢個農場，app 教喺錦上路經牛徑村馴入，入左半條村發覺好唔妥，要喺村屋與村屋間既位慢慢駛入，穿過兩條罅隙之後就放棄咗，調頭都要用十手軚先得。心諗若果有製造鮮奶應該條路大到可以貨車行得過先岩。
跟住再研究地路線再由荃錦公路試，終於成功駛到去雷公田小巴站。
小巴站旁有條單線車路，入口旁掛住個牌寫住鮮奶農場，但下面一句就寫住不設泊車。於是便停左架車行落去。途徑兩個燒烤場同郊野公園公廁，大約行15分鐘。大部份路都只容一架車經過，有兩三個避車處但都泊咗車。我去嗰陣都成4點幾，走嗰陣有啲車都走，幾架車出出入入打晒交，所以最好都係唔好揸車入。
入到農場，其實對外開放範圍好細，頂多得個半籃球場，有幾張檯被遊客食麵。小食亭有麵有格仔餅有燉奶有鳥結糖，但竟然搵唔到鮮奶。於是問一問店員做咩唔見有牛，位叔叔有尷尬咁講半年前開始就已經無牛，因為政府唔比續牌養乳牛。咁既話連香港唯一既鮮奶農場都無埋。真係唔知箇中原因。
個農場有少少牛奶沐浴露、鮮榚點同小食賣，有幾隻羊食可以餵下草（幾蚊一紮），若果行山經過食碗嘢無所為，但若果專登去就或者會令人失望。
我今次呢篇都唔算咩食評，希望打算去既人了解一下先決定去唔去同點樣去。或者將來農場狀況唔同咗都希望其他「食評人」更新一下。
Post
