翠華餐廳 (Closed)

自己入去澳門,未食晚飯就返香港,落船之後覺得好肚餓就走咗入翠華食晚飯.因為平時日頭排曬長龍,就算喺呢頭返工都從來未去過呢間翠華,好在夜晚完全唔使等位.宵夜餐無野啱食,就叫咗個麻辣嫩雞米線,辣就係幾辣嘅,但係一啲都唔麻煩,辣到死死實.嫩雞竟然一啲都唔嫩,雖然唔算好老,但係真係幾鞋口,基本上睇個樣都知.另外仲叫咗一個沙爹牛腩麵,應該冇得伏啦掛.點知沙嗲一啲都唔沙嗲,牛腩唔係好嫩滑,不過都住得幾冧.用呢種牛腩整普通嘅牛腩麵應該會比半吊子嘅沙嗲牛腩麵好好多.P.S. 呢度既侍應要叫好多次先至肯斟水,最後懶得叫侍應寧願自己攞水斟.夜晚明明已經冇乜客㗎啦,仲咁冇記性.