會景餐廳 (Closed)

8月26日, 一年一次的家族聚餐, 選擇會展的會景餐廳.我通常去食自助餐, 都一定去食冷盤開胃先, 生蠔就當然唔少得. 我走埋去海鮮個度, 一心諗住食幾隻生蠔開下個胃先, 點知去到埋去, 見到有蝦, 蟹, 青口, 蜆, 蟹腳; 但就係見唔到有蠔. 開頭以為一定係補緊貨, 所以未有. 跟住第二次第三次, 到第四次出去睇都無, 我就知一定唔會有, 勁失望. . .轉個頭見到有蠔, 不過係熟蠔, 重要係食到有少少沙的熟蠔. . .甜品方面, 百思不得其解的就是點解用一個士多啤梨噴泉代表一個理應係用朱古力的噴泉.不過值得一讚的就是佢地的天婦羅做得好好, 尢其是蝦天婦羅, 蝦都幾彈牙; 另外魚生都幾新鮮, 唔錯. 其他食物就同其他buffet 無咩大分別