Video
Read full review
2018-09-11
136 views
前排見到網媒推介係青衣城開左間韓式素食，一早Bookmark左想試，不過由於地點唔近我，所以一直都無機會去試試。直到前排同朋友去完迪迪尼，所以就專登過和黎試下韓式的素食係點的一回事。餐廳採用半自助餐的形式，$168包一份主菜，另外大家可以係自助區拎自己心水的前菜、甜品及飲品。今日可選的主菜有三款：大醬百葉豆腐漢堡、白靈菇百葉豆腐串燒，及黑松茸鐵鍋飯。大家入座時就同職員講你要邊款主菜就可以了。係餐廳的自助區有沙律吧，可能餐廳淨係食素，所有的蔬菜都特別青綠新鮮。大家可以將沙律菜、蓮藕、青瓜、素泡菜及沙律汁用大碗先Mix埋再放係自己的碟上。由於係自助區仲有好多豐富的食物可以選擇，所以我倆的主食揀左無咁飽的串燒及漢堡飽(飯也真係太飽了)。漢堡以煎香的大醬百葉豆腐代替牛肉，口感彈牙，配埋素芝士及沙律菜，整體感覺好Match！另外，個餐仲會有紫薯薄片，口感唔油膩之餘，仲幾脆口。同樣用百葉豆腐代替肉的白靈菇百葉豆腐串燒，用彈牙的豆腐夾集蔬菜，加埋個燒汁，整體好清新。串燒餐會配埋焗得軟軟香甜的南瓜及唔算太辣的韓式素泡菜。如果大家唔想食得咁Heavy的話，揀呢個係唔錯的選擇。當我們食到7788時，我們再
餐廳採用半自助餐的形式，$168包一份主菜，另外大家可以係自助區拎自己心水的前菜、甜品及飲品。今日可選的主菜有三款：大醬百葉豆腐漢堡、白靈菇百葉豆腐串燒，及黑松茸鐵鍋飯。大家入座時就同職員講你要邊款主菜就可以了。
係餐廳的自助區有沙律吧，可能餐廳淨係食素，所有的蔬菜都特別青綠新鮮。大家可以將沙律菜、蓮藕、青瓜、素泡菜及沙律汁用大碗先Mix埋再放係自己的碟上。
由於係自助區仲有好多豐富的食物可以選擇，所以我倆的主食揀左無咁飽的串燒及漢堡飽(飯也真係太飽了)。漢堡以煎香的大醬百葉豆腐代替牛肉，口感彈牙，配埋素芝士及沙律菜，整體感覺好Match！另外，個餐仲會有紫薯薄片，口感唔油膩之餘，仲幾脆口。
大醬百葉豆腐漢堡
7 views
0 likes
0 comments
同樣用百葉豆腐代替肉的白靈菇百葉豆腐串燒，用彈牙的豆腐夾集蔬菜，加埋個燒汁，整體好清新。串燒餐會配埋焗得軟軟香甜的南瓜及唔算太辣的韓式素泡菜。如果大家唔想食得咁Heavy的話，揀呢個係唔錯的選擇。
白靈菇百葉豆腐串燒
9 views
0 likes
0 comments
當我們食到7788時，我們再到自助區尋食。原來自助區有多種飽肚的食物，當中朋友比較鍾意的係養生南瓜粥。呢個南瓜粥味道甜甜地，而且好足料，差唔多每口都食到雪耳、杞子、松子。
養生南瓜粥
7 views
0 likes
0 comments
食唔慣無澱粉質落肚的我，係自助區揾到DIY素部隊鍋！部隊鍋湯分別有傳統辣醬及素清湯兩款選擇。唔多食得辣的我，就選了比較清甜的清湯加少量辣醬作調味。配料的選擇擇唔算好多，不過基本的都好齊。大家只要將所有心水配料放入小鍋內，再加入湯底，並請職員設置爐具就可以將所有食物煮熟。
當中我的Best Pick係富有彈牙口感的年糕，加入出奇地好食的素午餐肉及彈牙的公仔麵，整體都幾好食。
素部隊鍋
15 views
0 likes
0 comments
如果大家無飯落肚會唔自在的話，除了主餐的飯外，大家仲可以係自助區整韓式紫菜拌飯！大家可以加入青瓜、杏仁碎、甘荀粒等，令拌飯更富有口感及味道。但我已經有飽肚感，所以無食到。
將飯拌好後，大家仲可以帶手套將拌飯揑成飯糰都可能架。
餐廳仲有素甜品提供，除了素蛋撻、生果、素蛋撻外，仲有⋯⋯
公和豆腐花！！果然係香港老字號，豆花重豆味，而且仲好滑溜！大家可以加入雪耳、桃膠、黑芝麻粉、紅棗做配料，再加入鮮窄薑汁及黃糖作調味，咁就可以有碗又香又滋潤的豆花做甜品。
==============================
鍾意我分享的，我邀請你訂閲我的食評，我會繼續與大家繼續吃掉世界，甚至吃掉整個宇宙！(哈哈)
Post
