Video
Read full review
2022-10-02
190 views
放假去開灣仔整野，心儀嘅 Cafe 無開，就臨急臨忙搵左間喺利東街附近嘅Cafe 試下，本身見佢評價幾好，個門口又整得幾 fresh，都有少少期待，點知一入門口，我真係想行返出去 🤨 個女侍應粒聲唔出，亦都無伸手示意，只係好惡咁望住我哋，然後拎個餐牌就咁放喺張枱度，就行開左去拎水俾我地，果一刻我真係以為佢唔想做我地生意 🙈 一直到比水我地，都完全無出聲，笑容都無，如果唔係已經開始落雨，又好肚餓，我真係會直接離場算！落單果個就好少少，因為佢要 confirm 一次我地個 order，被迫開口講野 😂 到埋單又係妙，收錢果位男士又係無表情，拎張單埋黎就咁擺低，找錢又係咁 😑 一直到離開我都感受唔到任何佢地想做生意嘅感覺⋯⋯ 我唔需要你好殷勤咁招呼我，亦都唔覺得顧客就係上帝，但我覺得基本嘅禮貌同尊重都必須要有嘅；咁又可能呢間Cafe係主打唔出聲同冇禮貌啦，當我事前冇調查清楚佢嘅 style 啦 🙈Crab Meat Spinach Omelette滿滿嘅蟹肉同埋菠菜，蛋煎得好香唔油膩，半碟嘅麵包好香脆，其實水準都幾好～Grilled Chicken Avocado Ciabatta 雞肉唔算
Crab Meat Spinach Omelette
滿滿嘅蟹肉同埋菠菜，蛋煎得好香唔油膩，半碟嘅麵包好香脆，其實水準都幾好～
Grilled Chicken Avocado Ciabatta
雞肉唔算太鞋，有淡淡調味料嘅香味，牛油果同埋蕃茄啊菜嗰啲都俾得夠，食落都好清新同夠飽嘅，味道普通唔算突出，但係一個健康嘅選擇 🙈
Iced Mocha & Skimmed Milk Flat Whtie
Flat White 普普通通，唔難飲但冇驚喜；Mocha 麻麻地，朱古力同咖啡嘅比例掌握得唔係太好，唔太推薦 🙈
其實間餐廳裝修得幾好，有掛起唔同黑膠唱片，亦都會播音樂，當日播嘅係比較 Rock 嘅歌，所以我就略嫌嘈少少，同一個寧靜嘅週末下午顯得有少少格格不入 🙈
不過我應該都唔會再去呢間Cafe，環境係OK，但服務太差，食物同飲品質素亦都唔見太突出，同區應該有更加多更好嘅選擇 🤓
但公平D講一句，亦都有可能係用餐體驗不佳，導致到我對味道嘅評價都比較負面，所以呢，如果你想有一個獨特嘅用餐體驗，或者想去驗證一下佢嘅服務態度有冇進步到，我都歡迎大家去呢間試吓 😂
Post
