野郎Stone (Closed)

呢排上網去social media都留意到幾間大熱嘅餐廳都賣緊呢款「豪華版鐵板餐」，通常都係主打日本牛肉，按照每一份嘅所需嘅重量定價，所以通常都係比極高嘅！今次嚟到尖沙咀嘅間野郎stone，每日都有六款招牌同其他限定嘅牛肉部位選擇！因為店內比較狹窄，我地都需要先在店外門口的點餐機點餐付款，領取食物劵後再等待店員安排入座。每張枱都放置咗多款調味醬料，包括有辣味味噌、白松露蒜、鹽、柚子味酸汁、燒肉汁等等！我點咗一份200gram嘅牛肋間隔膜，先$88好抵！其實佢係牛嘅橫膈膜，所以食落唔覺有筋，比起其他部位食落更淋，放上鐵板上有好多油會彈咗出嚟，店員都好細心咁用紙巾先擋一擋再遞上枱！