Video
Read full review
2022-11-26
909 views
嬲到一定要上黎寫食評，呢間野同呃人無分別!3個鐘任食蟹，每人竟食得10隻都無，仲要加埋一500+一位!!!😠😠😠1。任食蟹，無蟹!!2。至少要半個鐘先上一輪!!3。最後一輪等到埋單走人都無蟹上。間野原因係鋪頭無蟹要係第2度運黎!!!任食間鋪無蟹?!玩野?!上年食過一次，不過不失。雖然間野環境唔算好，又細又迫，但服務ok。啲蟹細隻啲，約3兩左右，未去到爆膏，不過都唔差，勝在啲蟹接住食，1個人食左20+隻。所以今日再黎，但今年真係勁差!!!但今年唔知係唔係換左老闆。呃人成份好重!!我地7點半食到10點，今年啲蟹嘅質素比上年差，無蟹味，有一兩隻啲味霉霉地。任食都預左。但最大問題係3個半鐘只上得4輪，頭2輪5個人俾10隻，後兩輪俾得8隻。佢啲蟹係即叫即蒸，唔食晒唔準落order。落第二輪order時, 等左20分鐘，見佢都唔上就問下，話唔記得左，依家叫師傅蒸，叫我地打下邊爐先。每一輪都要勁僱，但都等起碼半個鐘!!!想order第5輪，個哥哥仔話啲蟹會耐啲先上到，都預左，之前都半個鐘先上一輪。俾人涼左係度40分鐘，真係唔想再等，反正覺得佢地唔會俾，就埋單。埋單時竟然同我地講啲蟹蒸緊喎，走啦?!呢
嬲到一定要上黎寫食評，呢間野同呃人無分別!
3個鐘任食蟹，每人竟食得10隻都無，仲要加埋一500+一位!!!😠😠😠
1。任食蟹，無蟹!!
2。至少要半個鐘先上一輪!!
3。最後一輪等到埋單走人都無蟹上。間野原因係鋪頭無蟹要係第2度運黎!!!
任食間鋪無蟹?!玩野?!
上年食過一次，不過不失。
雖然間野環境唔算好，又細又迫，但服務ok。
啲蟹細隻啲，約3兩左右，未去到爆膏，不過都唔差，勝在啲蟹接住食，1個人食左20+隻。
所以今日再黎，但今年真係勁差!!!
但今年唔知係唔係換左老闆。呃人成份好重!!
我地7點半食到10點，今年啲蟹嘅質素比上年差，無蟹味，有一兩隻啲味霉霉地。任食都預左。但最大問題係3個半鐘只上得4輪，頭2輪5個人俾10隻，後兩輪俾得8隻。
佢啲蟹係即叫即蒸，唔食晒唔準落order。落第二輪order時, 等左20分鐘，見佢都唔上就問下，話唔記得左，依家叫師傅蒸，叫我地打下邊爐先。
每一輪都要勁僱，但都等起碼半個鐘!!!
想order第5輪，個哥哥仔話啲蟹會耐啲先上到，都預左，之前都半個鐘先上一輪。俾人涼左係度40分鐘，真係唔想再等，反正覺得佢地唔會俾，就埋單。埋單時竟然同我地講啲蟹蒸緊喎，走啦?!
呢下真係忍唔住，就同佢地講等左40分鐘，每輪都等咁耐，都唔上蟹。佢地回覆係多單無晒蟹，係觀塘果邊拎啲蟹過黎，所以咁耐，我地可以俾你地繼續坐。真係多謝晒。。。我見佢地成間野先得10張枱，大部分都係食蒸氣海鮮，無咩人食蟹囉。我都唔想再同佢講俾錢走人，一定無下次!!!
Post