Video
Read full review
2021-07-31
401 views
食物正常發揮，但如果冇折扣嘅話就真係唔抵食，同埋今次最主要講吓服務態度，同埋超荒謬經驗。首先，有朋友生日想去食日本菜，同埋睇吓邊度可以切蛋糕，咁我就係問清楚先去Booking，咁佢嗰度員工話唔收嗰啲咩切餅費，咁我都希望有啲心理準備問咗三次切餅費係幾多？跟住佢都冇答過問題就話唔收。佢話嗰陣時都繁忙時段你如果自己切埋蛋糕喺度食冇所謂咁樣，好笑嘅嚟啦，我話可以上蛋糕啦點知開始同我講話要切餅費，仲要係$50，然後我問返佢電話點解唔係咁講，佢答我冇呀俾你吹完蠟燭跟住拎返個蛋糕走？？？跟住仲有個員工最好笑叫我拎出走廊食😅我都未試過聽到呢啲嘢。咁最後朋友生日唔通唔食咩咁就俾咗$50啦，但係原來個$50就係俾佢遞上二個碟上嚟，跟住攞個蛋糕幫我插支勁醜樣嘅蠟燭就走咗？另外，要浸水原來要嗌三次仲要嗌到成間店舖都聽到但係其他台嘅客人就可以唔使問，係咪我食得少左係嘅話唔該出聲😂我想問係咪我比少咗服務費？仲有Booking嘅時候都問咗用餐時間係幾多，佢話俾我聽係有一個半鐘，點知未到一粒鐘已經吹左我三次要走，本來仲想叫啲嘢食，後尾都俾佢搞到完全冇心情😀仲好笑嘅係，唔知係串緊我呀定真係推銷？佢喺度話妹妹下次你食午餐
食物正常發揮，但如果冇折扣嘅話就真係唔抵食，同埋今次最主要講吓服務態度，同埋超荒謬經驗。
首先，有朋友生日想去食日本菜，同埋睇吓邊度可以切蛋糕，咁我就係問清楚先去Booking，咁佢嗰度員工話唔收嗰啲咩切餅費，咁我都希望有啲心理準備問咗三次切餅費係幾多？跟住佢都冇答過問題就話唔收。佢話嗰陣時都繁忙時段你如果自己切埋蛋糕喺度食冇所謂咁樣，好笑嘅嚟啦，我話可以上蛋糕啦點知開始同我講話要切餅費，仲要係$50，然後我問返佢電話點解唔係咁講，佢答我冇呀俾你吹完蠟燭跟住拎返個蛋糕走？？？跟住仲有個員工最好笑叫我拎出走廊食😅我都未試過聽到呢啲嘢。咁最後朋友生日唔通唔食咩咁就俾咗$50啦，但係原來個$50就係俾佢遞上二個碟上嚟，跟住攞個蛋糕幫我插支勁醜樣嘅蠟燭就走咗？另外，要浸水原來要嗌三次仲要嗌到成間店舖都聽到但係其他台嘅客人就可以唔使問，係咪我食得少左係嘅話唔該出聲😂我想問係咪我比少咗服務費？仲有Booking嘅時候都問咗用餐時間係幾多，佢話俾我聽係有一個半鐘，點知未到一粒鐘已經吹左我三次要走，本來仲想叫啲嘢食，後尾都俾佢搞到完全冇心情😀仲好笑嘅係，唔知係串緊我呀定真係推銷？佢喺度話妹妹下次你食午餐抵啲啊，反正佢個語氣真係搞到我語無倫次⋯⋯如果真心食生日飯嘅千祈唔好去啦，你話普普通通食啲嘢都可以接受，但係咁多間好食嘅嘢點解要去呢間😅大家自己諗吓
Post