Video
Read full review
2021-12-28
108 views
Book 左2021年12月24日夜晚7點半2位，大約的時序如下： 1. 7點25分已到達餐廳，當時前面有一對情侶仲喺度等緊，但係店員叫我哋繼續等等冇安排入座。2. 大約10分鐘後，店員仍然冇安排入座，呢個時候門外已經開始排長龍，目測約5,6組人，估計全部都係book咗呢個時間3. 約 7點45分，店員終於安排入座，入邊唔係冇位，亦都唔係等緊客走俾枱，唔知點解要啲客喺門口等：）4. 揀嘢食lu，因為12月24日只做christmas set，Christmas set $510/ 1 person，包 每人1沙律, 1 湯 , 1 main 同1 甜品6. 沙律，係兩塊菜，上面1隻蝦，以下係圖，我食咗上面隻蝦先記得影，大家自己評論。7. 湯我哋揀咗龍蝦湯，好多一粒粒好似碎咗嘅殼，而且好鹹，我飲咗半碗就冇飲。8. Main 選擇有4款: 牛扒, 三文魚扒, 雞 同 1個veggie。本身揀牛扒，點知冇晒，最後揀咗三文魚同雞，過多10分鐘到聽到店員講三文魚都冇晒，嗰陣先大概八點。會唔會太搞笑，做Christmas dinner，main入邊四款有兩款都可以冇。聽到佢哋俾啲客叫a la c
1. 7點25分已到達餐廳，當時前面有一對情侶仲喺度等緊，但係店員叫我哋繼續等等冇安排入座。
2. 大約10分鐘後，店員仍然冇安排入座，呢個時候門外已經開始排長龍，目測約5,6組人，估計全部都係book咗呢個時間
3. 約 7點45分，店員終於安排入座，入邊唔係冇位，亦都唔係等緊客走俾枱，唔知點解要啲客喺門口等：）
4. 揀嘢食lu，因為12月24日只做christmas set，Christmas set $510/ 1 person，包 每人1沙律, 1 湯 , 1 main 同1 甜品
6. 沙律，係兩塊菜，上面1隻蝦，以下係圖，我食咗上面隻蝦先記得影，大家自己評論。
7. 湯我哋揀咗龍蝦湯，好多一粒粒好似碎咗嘅殼，而且好鹹，我飲咗半碗就冇飲。
8. Main 選擇有4款: 牛扒, 三文魚扒, 雞 同 1個veggie。本身揀牛扒，點知冇晒，最後揀咗三文魚同雞，過多10分鐘到聽到店員講三文魚都冇晒，嗰陣先大概八點。會唔會太搞笑，做Christmas dinner，main入邊四款有兩款都可以冇。聽到佢哋俾啲客叫a la carte，真係好羨慕，因為其實無牛扒呢個餐一啲都唔抵食，講緊埋單要1千幾蚊😂😂
9. 沙律同湯都好快上，main係飲完湯之後仲等咗超過半個鐘，催單三次先上，見到隔離枱有兩個妹妹冇催單，我哋走嘅時候佢先食緊main😂😂 Main質素好普通，同茶餐廳差唔多質素，但價錢過千
10. Serve Main時，侍應唔小心整跌咗我個配菜，有一粒薯仔跌咗落枱面，佢竟然問我，幫我執返上碟？我最後叫佢唔使，跌咗就由佢
11. 感覺成間餐廳嘅侍應都無trained，例如啱啱serve main跌咗薯仔，理論上應該講： 我入去幫你換翻，但佢第一下反應係幫我執返上去…
12. 嘢飲方面落單時叫咗，竟然同個湯一齊上，而且上嘅時候就咁好似茶餐廳咁放喺枱面…如圖
13. 仲有好多奇怪野，例如第一次叫侍應上甜品，佢竟然問我係咪上兩個… 乜你見到第三個人咩……
14. 總括嚟講，嘢食唔係話好難食，但係如果要我比超過$1000嘅價錢食，咁嘅服務同埋咁嘅食物質素(i.e. 兩塊菜+1隻蝦嘅沙律, 四個main之中有兩個都賣晒而且唔係特別好食,好鹹嘅龍蝦湯, 好難飲好淡嘅朱古力, 一件好普通嘅cream cake)，我完全接受唔到，但如果喺茶餐廳食，呢個質素我就接受到。
真係好嬲呀！！呢篇文都表達唔晒我嗰日嘅感受😡😡
Post
