囍點坊點心專門店 (Closed)

今日要同大家介紹嘅呢，就係呢一間位於德輔道西嘅「囍點坊」。有時候真係唔知食乜好，想飲茶又唔想等位，就會去呢一間小舖頭。平時就會簡單叫啲點心加盅飯，例如有排骨鳳爪飯啦、汁燒煎釀茄子、孜然雞中翼等等，都係我平時一定會叫嘅嘢食。至於今日要介紹嘅呢，就係呢一款「囍點流心哥」，聽個名就好有趣，原來個樣仲特別，大大個公仔嘜頭配搶眼嘅螢光橙色，真係令到我好震驚。人生在世乜都要試吓嘅，我鼓起勇氣掐開個包，可以睇得見個奶皇的確係流心帶一點點蛋皇，應該係自家製。入口略嫌唔夠熱，個皮有種叮翻熱嘅口感。整體味道還可，但要再熱一點，應該要新鮮啲！總結，呢度其他嘅點心其實都值得一試，而且茶介只需三蚊。食厭咗大牌酒樓，間中泥一次試下啦！