Romanne Leisure Food Concept (砵蘭街) (Closed)

一上到去感覺環境既燈光幾舒服，而且好快就有位坐我同友人覺選擇了一個晚餐，方便又不太貴套餐包左沙律，蒜蓉包，餐湯,野飲。佢嘅蒜蓉包好脆，餐湯係蘑菇湯，蒜茸包點落去餐湯都好好食😋黑松露溫泉蛋烤大啡菇焗粗管通粉 $118大大個嘅大啡菇，配上溫泉蛋真係唔錯嘅組合。呢個粗管通粉有驚喜，黑松露味勁香，仲要有拉到絲嘅芝士。 馬沙文咖喱燴澳洲牛柳伴長法包 $148咖喱多數配牛腩，牛柳真係第一次，感覺又幾特別。而佢嘅咖喱唔係平時食有椰奶嘅咖喱，佢偏向香料重，感覺好新奇。可以揀長法包或者白飯，麵包控簡包係唔洗諗既。無論氣氛定係環境都感覺幾好，雖然舖頭裏面店員唔多，但佢哋都幾快手，睇得出佢哋做嘢好上心👍👍