十二味 (LADDER Dundas) (Closed)

聞說十二味呢間鋪頭專係食麻辣野，本身入到黎我都想試下麻辣野食，但由於一個人，好似叫一煲或者一碟野食，太過誇張。唔緊要，改食無辣食品，試下呢間野唔辣嘅野食見唔見得人都好。口痕想食香口野，叫左個咕嚕肉，再加個蔥油拌麵先。咕嚕肉比我想像中大碟，可能晚市緣故，成碟上係預share嘅，份量比較多，同lunch時間預一人份量唔同。咕嚕肉十分香口，配料亦都好足。至於蔥油拌麵，應該係京川滬菜系嘅常見菜式，做得都唔錯，呢個就真係一人份量喇，食完剛剛好嘅。