Video
Read full review
2023-05-05
55 views
今次嚟到銅鑼灣呢間無邊，顧名思義，餐廳Menu有唔同國家嘅特色，有德國、美國、挪威，美食都冇國家限制㗎～餐廳裝修行型格暗黑風格，地方唔算好大，但氣氛和諧舒服。菜式選擇都係以西餐為主，有Burger、All-day Breakfast嗰啲，主食同輕食類都有，出品高質，價錢亦唔貴！餐廳有個吧枱，放滿晒調酒嘅工具，望落幾有feel，可以望住店員調酒同出菜，幾有feel，都幾適合同朋友嚟聚會！------------------------------🐖◖柏林德國豬手◗ $258呢個係套餐嚟，仲包埋餐湯同蒜蓉包，仲可以用跟餐價加購兩杯嘢飲，呢個份量都算幾抵食！豬手整得幾特別，呢個做法出面比較少見到有得食，真心推薦！豬手經過8小時嘅慢煮再焗，輕鬆可以脫到骨。肉質鮮嫩多汁，豬肉軟腍得嚟又唔乾柴，啲肉一梳梳咁；外皮同樣都好軟腍，有別於傳統德國咸豬手硬脆卜卜嘅外皮。豬手表面淋上楓糖，邊位嘅肉燒得比較乾身，有少少燶邊，味道甜甜地，味道有啲似啱啱出爐嘅叉燒！點埋黃芥末同燒烤醬，再配酸黃瓜食，可以豐富味道之餘，減少豬手嘅油膩感！🍳◖紐約班尼迪蛋◗ $78佢班尼迪蛋都有幾個國家可以揀，都幾抵食！呢個紐約版
餐廳有個吧枱，放滿晒調酒嘅工具，望落幾有feel，可以望住店員調酒同出菜，幾有feel，都幾適合同朋友嚟聚會！
------------------------------
🐖◖柏林德國豬手◗ $258
呢個係套餐嚟，仲包埋餐湯同蒜蓉包，仲可以用跟餐價加購兩杯嘢飲，呢個份量都算幾抵食！豬手整得幾特別，呢個做法出面比較少見到有得食，真心推薦！豬手經過8小時嘅慢煮再焗，輕鬆可以脫到骨。肉質鮮嫩多汁，豬肉軟腍得嚟又唔乾柴，啲肉一梳梳咁；外皮同樣都好軟腍，有別於傳統德國咸豬手硬脆卜卜嘅外皮。豬手表面淋上楓糖，邊位嘅肉燒得比較乾身，有少少燶邊，味道甜甜地，味道有啲似啱啱出爐嘅叉燒！點埋黃芥末同燒烤醬，再配酸黃瓜食，可以豐富味道之餘，減少豬手嘅油膩感！
🍳◖紐約班尼迪蛋◗ $78
佢班尼迪蛋都有幾個國家可以揀，都幾抵食！呢個紐約版嘅係由意大利包底，配沙律菜、水波蛋同煙肉，荷蘭醬蛋味都幾濃郁幾香～幾欣賞佢嘅煙肉，煙熏味好香，又唔會太肥，但個包就做得麻麻地，略嫌烘得唔夠香脆又偏乾～
🫐◖終身美麗◗ 跟餐+$28
呢杯沙冰即叫即打，用咗藍莓同埋菠蘿製作，藍莓味偏重，味道偏甜～
🍋◖美式檸檬蜜◗ 跟餐
淡淡嘅甜味同檸檬香味，幾清新解渴！
🌟 Encore指數：8.5/10
Post
