狂野麻神麻辣火鍋 (Closed)

屋企人好鍾意打邊爐，身為乖乖女嘅我緊係負責搵下邊間質素好先帶佢哋去食啦！上網見到呢間狂野麻神麻辣火鍋好多好評，一於帶埋屋企人嚟試下先。自己勁鍾意食牛肉，估唔到佢哋有個牛肉盛，係有齊晒勁多款唔同嘅牛，牛頸脊、牛小排 、牛胸爽 、牛根膜 同一口牛，真係好貼心。自己就好鍾意食佢哋嘅牛小排，啖啖肉有勁香牛肉味。不過佢哋個牛胸爽都幾正，夠晒爽口，啲軟骨位可以慢慢嚼。另外個海鮮盛合都一樣，有齊晒勁多款唔同海鮮，海鮮要好食一定要新鮮，如果唔係就算放咗落去個勁辣嘅麻辣湯底入面都會食到有腥味。好彩佢哋個海鮮係好鮮甜，配埋個湯又更加昇華。另外都仲會有啲麵食嘅水晶寬粉，食晒咁多嘢都真係飽到不得了。