韓珍 (帝國中心) (Closed)

今次已係第六次去韓珍，慶祝朋友生日，貪其環境舒適好坐，星期五晚最好先訂位，全店樓面只有一個識講廣東話嘅侍應，其餘係韓國人，顧客亦多是同鄉，每次都係兩三個人去，唔可以痛快叫一次八色五花肉，二人唯有揀四色，我地揀左香草、咖哩、大醬、辣椒醬，五花肉間左花另其入味又易熟，人手足夠時侍應會幫手燒，我反而唔鍾意，會阻礙傾偈同比較鍾意自己控制，可以燒得冇咁燶，五花肉雖肥，但包菜就無左肥膩感，而且係無限供應，沙律、辣椒醬蔥、洋蔥等菜類任食👍，牡蠣海藻湯一小鍋要$100有點貴，牡蠣新鮮口感好滑，韓國海藻如一陣風，口感唔實在，味道清淡不差，不得不提贈送嘅蛋餅，蛋味香濃，有洋蔥增添香氣，一定要趁熱食♨️