醉翁亭火鍋館 (Closed)

天氣開始轉涼，近來朋友聚會都開始揀打邊爐，今次同九龍友聚會，揀左好方便既太子區，醉翁亭$298一位，加一後三百幾蚊一位，食物選擇唔算多，勝在無限時，岩哂我地傾到天昏地暗~認住呢個翁~飲品自取，左邊櫃任飲，右邊櫃收費~三款小食都係任食，酸辣鳳爪平時價錢唔平，要食多d首先每枱送一份刺身，新鮮肥美~再送每人一碗燕窩庚~火鍋配料除左紙上面任點款式，每枱會送一份海鮮，包括海蝦，龍等，青口，蚬，等等，份量也不少~當中海蝦最受歡迎，爽口彈牙，鮮味足~然後每枱再送一份牛頸隻，每片厚薄均勻，雪花分佈都幾靚，牛味濃，食落有質感~如果中意食可以加錢encore~好食最後仲有送巨型鮮蝦水餃，每人一隻~一咬開整粒都係蝦，非常爽甜，味道鮮~送既item都真係幾多，抵食打邊爐不可少一定係蘿蔔同炸響鈴，蘿蔔清甜多汁，響鈴香脆，吸左湯真係好好味~四色手打丸，牛肉丸陳皮味重，味道似飲茶食點心既牛肉球，但呢個丸口感爽好多~蝦丸，啖啖蝦肉，夠彈牙~最後雖然已經好飽，但都要食埋炸芋件先~芋件又香又粉，好好食