同人鍋 (Closed)

與朋友飯聚，唔想揀啲限時1.5-2小時嘅餐廳，傾計時又有侍應不斷執走枱面嘅餐具，暗示你要快啲走。行過山林道，見到無限時火鍋，有普通版火鍋（$228）或龍蝦湯火鍋+雞煲（$288）。海鮮拼盤列左多種海鮮，望落幾吸引，就試吓呢間。價錢只相差$60，我地梗係揀龍蝦湯底。雞煲就揀左唔辣。雞件及洋蔥好入味，洋蔥煮得好腍。雞煲獻汁香濃，其實可以叫碗白飯撈汁食，不過要留肚食火鍋。海鮮拼盤的波士頓龍蝦及貴妃蚌夠搶鏡。開邊龍蝦已預先蒸好，只需放鍋中稍為翻熱即可。一隻龍蝦夠4人分量，唔單止蝦身厚身，龍蝦鉗位置更加唔可以錯過。揸住龍蝦鉗食，頓覺食得豪氣。拼盤有唔少矜貴食材：貴妃蚌、鮑魚、海蝦、廣島蠔、鑽石蜆、珊瑚蚌。海蝦和鮑魚彈牙。仲有火鍋唔少得嘅丸類、蔬菜菇菌、腸仔、腐竹。推介黑椒馬蹄貢丸，爽口安格斯牛魚皮餃、魚旦、牛柳粒任食火鍋配料餐牌飲料選擇亦多，放在雪櫃任攞。仲有幾款韓國飲品：樂天芒果汁、石榴汁同忌廉鮮奶。唔想飲罐裝飲品，可以攞瓶裝蜂蜜菊花露、酸梅湯和蜂蜜柚子。我飲左芒果汁同裝蜂蜜菊花露，味道不錯。老闆娘話瓶裝飲品都是自製的 👍