Video
Read full review
2022-12-10
128 views
秋風起, 最好就係打邊爐, 今晚同朋友黎到堅尼地城的小鍋霸打邊爐, 貪佢哋無時限, 食到夠飲到夠為止先撤退, 唔洗限時趕頭趕命, 舒服好多。多款湯底供選擇, 當然係有辣有唔辣, 火鍋配料掃及飲品 QR code自己叫, 視乎牛肉質素定價, $288、$388同$488不等。湯底 : 養生姬松茸什菌涮涮鍋湯底以菇菌為主要材料, 目測有雞件、桂圓、姬松茸、舞茸、雞髀菇、鮮冬菇、其他菇菌、紅棗、洋蔥、杞子、雲耳、 粟米及油揚等, 湯底冇乜油, 開始前飲左半碗, 好清甜, 菇菌味道好濃郁, 呢個湯底滋陰潤燥兼有養生。$388 極上牛頸脊頸脊套餐推介食物 1.有骨魚皮 ~ 用上黃鱔皮, 炸得乾身又脆口, 連骨都脆卜卜, 補鈣質一流, 朋友至愛。 2.西班牙伊比利亞黑毛豬 ~ 肥瘦平均, 口感帶點爽及脆, 肉質爽滑微彈, 自己食一盤都唔覺油膩。 3.美國Prime Grade極上牛頸脊/美國Prime Grade牛肩胛肉 ~ 兩款肉一種偏向有咬口, 牛肉味較濃郁, 另一款半肥瘦口感就油滑啲、香口啲。 4.西班牙無激素豬肉片 ~ 西班牙無激素豬肉片瘦一點, 肉質結實。
多款湯底供選擇, 當然係有辣有唔辣, 火鍋配料掃及飲品 QR code自己叫, 視乎牛肉質素定價, $288、$388同$488不等。
湯底 : 養生姬松茸什菌涮涮鍋
湯底以菇菌為主要材料, 目測有雞件、桂圓、姬松茸、舞茸、雞髀菇、鮮冬菇、其他菇菌、紅棗、洋蔥、杞子、雲耳、 粟米及油揚等, 湯底冇乜油, 開始前飲左半碗, 好清甜, 菇菌味道好濃郁, 呢個湯底滋陰潤燥兼有養生。
$388 極上牛頸脊頸脊套餐推介食物
1.有骨魚皮 ~ 用上黃鱔皮, 炸得乾身又脆口, 連骨都脆卜卜, 補鈣質一流, 朋友至愛。
2.西班牙伊比利亞黑毛豬 ~ 肥瘦平均, 口感帶點爽及脆, 肉質爽滑微彈, 自己食一盤都唔覺油膩。
3.美國Prime Grade極上牛頸脊/美國Prime Grade牛肩胛肉 ~ 兩款肉一種偏向有咬口, 牛肉味較濃郁, 另一款半肥瘦口感就油滑啲、香口啲。
4.西班牙無激素豬肉片 ~ 西班牙無激素豬肉片瘦一點, 肉質結實。
5.鮮魚片 ~ 夠新鮮, 入口爽彈。
6.生猛海蝦 ~ 又系勝在夠新鮮, 蝦肉爽甜。
7.油揚 /鮮腐皮 ~ 油揚冇中式傳統豆腐卜咁油膩, 吸曬啲清甜兼有肉味嘅湯汁, 又軟又滑, 好好味。
8.墨汁墨魚滑/花姿滑 ~ 兩款都真材實料, 裏面有勁多粒粒爽口彈牙墨魚粒, 兩款嘅墨魚粒都係爽甜嘅, 只係其中一款加咗墨魚汁, 不過我鍾意食花姿 滑, 個味道好似香啲 同埋多汁啲, 勁encore。
飲品
選擇多元化, 除咗台式飲品; 台式奶茶、台式咖啡、台式果茶、冬瓜茶等, 港人至愛的凍檸檬茶、凍檸樂、咸檸七也有, 冬瓜茶唔太甜, 清潤除燥, 啱曬打邊爐。
雪糕甜品
自選名牌雪糕甜品~M字雪糕杯或D字甜筒
服務員姐姐好親切, 上菜又快手, 按完手機唔使兩分鐘已經食物到枱, 唔使等, 食到窒下窒下, 佢哋啲火鍋材料質素唔錯, 非常滿意的無時限火鍋店, 可以再食。
Post
