相馬日式火鍋 (Closed)

第一次嚟相馬就食到一個咁豐富嘅火鍋放題，完全冇限時，仲有多部曲，首先會係有個茶碗蒸，跟住係任食雞煲，之後係花膠雞湯，再之後有蒸海鮮，再有任食邊爐，仲有其他任食嘅炸物同埋雪糕飲品。一定要提佢地既雞煲可以自選辣度，一上枱就聞到好惹味好香，撈勻晒啲雞同埋啲辣醬啲辣味滲晒出嚟，食得出好足料，啲雞又夠晒收滑，淨係食呢個都好吸引🤩佢哋嘅蒸海鮮同樣出色，有扇貝蟶子鮑魚依啲唔同嘅海鮮，啲扇貝用蒜蓉去蒸，蒸出嚟好香好好食，又夠晒大粒，全部海鮮都好新鮮，食得出佢哋嘅鮮味🥳去到任食火鍋都係好多選擇，尤其是佢哋嘅雞髀肉好香，肉質同樣好好，另外火鍋嘅海鮮都係超新鮮，用打邊爐嘅方法亦都食得出佢哋本身嘅鮮，勁豐富🤓最後炸物亦都係有唔同嘅選擇，淨係炸單骨雞翼已經好好食，皮脆肉嫩，食得又夠方便，另外仲有其他炸雞軟骨燒雞肉蟹柳呢啲，全部都係即叫即炸，真係好正🤪