Video
Read full review
2023-06-17
294 views
另一半好鍾意食燒肉，趁住假期，特登帶佢黎位於尖沙咀isquare 嘅「燒肉牛藏」。放題款式選擇好多，唔同價錢有唔同嘅食物組合，我地揀左每位$638嘅無限時A5和牛燒肉日式放題，肉類、蔬菜、刺身、熟食、飲品同甜品咩都有。自助區有各式各樣嘅飲品，有糖無糖有氣無氣樣樣齊，除此之外仲有少量蔬菜同甜品。頭盤/和牛頭盤/肉類：先上檯嘅係頭盤同和牛頭盤，值得一讚係會label 住肉類名稱，咁喜歡啲咩都可以encore。我地個餐有各款肉類，豬牛雞羊樣樣齊。和牛款式算多，包括日本A5和牛肉眼同日本A5和牛西冷，切得薄身，雪花紋超靚，肥膏偏少，色澤都唔錯，切得薄薄地嘅佢地，燒一燒就食得，牛肉味極香濃，入口即化。豬肉醃得好入味，唔會太鹹，雞柳同雞翼亦都非常出色。相比起肉類，我自己較喜歡海鮮，海老、八爪魚仔、鮮魷魚等等全部都好新鮮，入口鮮甜，值得一讚。蔬菜方面，茄子、粟米同菇相當唔錯，好嘅地方係店方無預先加入牛油，客人喜歡先自己落。熟食方面只係試左雞肉串同忌廉蟹肉餅，忌廉蟹肉餅即叫即整，上檯時熱辣辣，入口creamy,好好味。不過個人其實唔太喜歡燒蔬菜，覺得會太乾，所以都叫左個豆腐雜菜鍋，有好多菜、豆腐同粉絲
放題款式選擇好多，唔同價錢有唔同嘅食物組合，我地揀左每位$638嘅無限時A5和牛燒肉日式放題，肉類、蔬菜、刺身、熟食、飲品同甜品咩都有。
自助區有各式各樣嘅飲品，有糖無糖有氣無氣樣樣齊，除此之外仲有少量蔬菜同甜品。
頭盤/和牛頭盤/肉類：
先上檯嘅係頭盤同和牛頭盤，值得一讚係會label 住肉類名稱，咁喜歡啲咩都可以encore。
我地個餐有各款肉類，豬牛雞羊樣樣齊。和牛款式算多，包括日本A5和牛肉眼同日本A5和牛西冷
，切得薄身，雪花紋超靚，肥膏偏少，色澤都唔錯，切得薄薄地嘅佢地，燒一燒就食得，牛肉味極香濃，入口即化。豬肉醃得好入味，唔會太鹹，雞柳同雞翼亦都非常出色。
相比起肉類，我自己較喜歡海鮮，海老、八爪魚仔、鮮魷魚等等全部都好新鮮，入口鮮甜，值得一讚。
蔬菜方面，茄子、粟米同菇相當唔錯，好嘅地方係店方無預先加入牛油，客人喜歡先自己落。
熟食方面只係試左雞肉串同忌廉蟹肉餅，忌廉蟹肉餅即叫即整，上檯時熱辣辣，入口creamy,好好味。
不過個人其實唔太喜歡燒蔬菜，覺得會太乾，所以都叫左個豆腐雜菜鍋，有好多菜、豆腐同粉絲，兩個人share 食剛剛好。
甜品方面有蛋糕、泡芙、布丁同普通雪糕同雪米糍，至於movenpick 雪榚就限一人一杯，要用app 落單。
Post
