Video
Read full review
2022-11-24
177 views
好少夜晚會去食cafe，覺得會食唔飽，但呢間夜晚都依然好多人幫襯，裝修得比較簡約，足夠光猛，坐得都算舒服！ Menu主要都係啲比較健康嘅選擇，好似沙律、三文治同埋意粉，簡單好食又飽肚，嘢飲跟主食半價，仲要唔洗加一！------------------------------🥐◖超級全日早餐 ◗ $128佢嘅全日早餐超級豐富，有沙律菜、車厘茄、新鮮水果、煙燻三文魚、煙肉、紐倫堡腸、芝士大啡菇、炒滑蛋、秘製焗豆同法式奶油餐包，可以加$15轉做牛角包！特別鍾意個大啡菇，焗得鮮嫩多汁；滑蛋帶點牛奶味，仲有少少蛋漿嘅狀態，其他味道就正常，但勝在份量夠多，乜都可以試少少！🐂◖黑牛安格斯西冷沙律配蜜糖芥末醬◗ $128沙律上面有原塊安格斯西冷牛扒舖面，雖然佢係煎到全熟，肉質都依然多汁，咬落去濃濃嘅牛油香氣，唔會好韌。底層放咗大量沙律菜，撈埋蜜糖芥末醬，加上少少芥末籽，甜甜地幾fresh！🫘◖Tiramisu◗ $68自家製嘅Tiramisu灑上一層嘅可可粉，好靚！Tiramisu分咗兩層，佢係用自家烘焙嘅手指餅，吸咗單品濃縮咖啡冧酒醬，食落好濕潤，加上軟芝士夾心，唔會太甜，好邪惡好好食！🧀◖北海道芝
------------------------------
🥐◖超級全日早餐 ◗ $128佢嘅全日早餐超級豐富，有沙律菜、車厘茄、新鮮水果、煙燻三文魚、煙肉、紐倫堡腸、芝士大啡菇、炒滑蛋、秘製焗豆同法式奶油餐包，可以加$15轉做牛角包！特別鍾意個大啡菇，焗得鮮嫩多汁；滑蛋帶點牛奶味，仲有少少蛋漿嘅狀態，其他味道就正常，但勝在份量夠多，乜都可以試少少！
🐂◖黑牛安格斯西冷沙律配蜜糖芥末醬◗ $128
沙律上面有原塊安格斯西冷牛扒舖面，雖然佢係煎到全熟，肉質都依然多汁，咬落去濃濃嘅牛油香氣，唔會好韌。底層放咗大量沙律菜，撈埋蜜糖芥末醬，加上少少芥末籽，甜甜地幾fresh！
🫘◖Tiramisu◗ $68
自家製嘅Tiramisu灑上一層嘅可可粉，好靚！Tiramisu分咗兩層，佢係用自家烘焙嘅手指餅，吸咗單品濃縮咖啡冧酒醬，食落好濕潤，加上軟芝士夾心，唔會太甜，好邪惡好好食！
🧀◖北海道芝士金磚蛋糕◗ $55
食落有少少似burnt basque嘅味，呢隻質地硬身creamy少少，奶味會偏重，但略嫌甜咗啲！
☕️◖焙茶拿鐵◗ $46
有大、細兩個size揀，上面有個勁精緻可愛嘅拉花！第一啖飲落去好有驚喜，焙茶味道好出，奶泡打得好濃厚，同燕麥奶超級夾！
🍋◖檸檬特飲◗ $40
正常味道，微甜解渴～
🌟Encore指數：9/10
Post
