蘇媽.蘇媽馬來西亞茶餐室 (Closed)

天氣凍凍地，飲番碗熱辣辣嘅湯實在真係好舒服。嚟到蘇媽，當然係點佢哋嘅招牌肉骨茶，肉骨茶加咗20款藥材煲，嗰啲當歸藥材香味😌好正👍🏻佢哋肉骨茶有五款選擇，我就最鍾意佢嘅一字骨，招牌肉骨茶，d肉入口即化，入邊仲加咗豆卜金菇菜，一路食一路飲湯，肉香湯濃，侍應仲會不停問你需唔需要幫你再加湯😌好滿足呀。食之前你仲可以跟佢教你嘅步驟，肉骨茶四步曲，去調配你自己專屬嘅醬料。辣椒仔加黑豉油真係配肉骨茶嘅靈魂。