Outback Steakhouse (MOKO新世紀廣場)

Open Now

Now Closed

約咗朋友喺moko睇《毒舌大狀》，因為只買到7點場，食唔切晚飯，加上有人要後到，想醫肚又想hea到夠鐘，去outback食tea可謂perfect。2個人嗌咗2個tea set，我要咗肉丸番茄意粉，朋友嗌咗芝士白汁燒蝦寬麵。點完餐嗌埋嘢飲就自動上咗一客黑糖包，黑糖包微暖，好軟熟，配埋醬食yummy！等咗一陣意粉到，番茄意粉偏酸開胃，肉丸結實唔會一篤就散，但意粉偏淋唔夠al dente，朋友個芝士白汁燒蝦寬麵，蝦多但較膩，食到碟底全部係蝦油，可想而知有幾高卡路里。餐飲我哋一向都揀檸茶，因為有得refill，朋友初頭飲熱，後來第2杯轉凍一樣得，呢啲先係好嘅service嘛！食完個餐，個炸蘑菇仲未嚟，叫侍應幫忙催一催，順便追加多一份黑糖包，今次個包送嚟係熱嘅，仲正，炸蘑菇追咗2次終於嚟，估計應該係漏咗單即刻再整。個炸蘑菇算係幾juicy，唔算好油，配埋酸忌廉食唔會好膩，悠悠閒閒咁hea咗2個鐘，食完啱啱好準備入場，fit晒！