Coffee on the Sand (Moved) New Location

純粹想試下土耳其口味， 冇預約就鐘上去， 結果冇乜人，直接入座。坐低好快有隻波斯貓好過快黎邀寵，不時系台上擺post, 可惜同朋友都唔系貓星人。。。點佐薄餅餃子。薄餅皮好薄，味道唔錯，直徑近尺，兩個人完全食得晒。炸餃子細細粒几特別下，一口一粒好啱食，兩個人食佐有廿几粒。中途老板返黎，整佐double 份量既土耳其咖啡俾朋友，我就點佐奶茶，味道同一般茶餐廳既好唔同。正猶豫要再點啲野食時，老板整佐個menu 冇既煎無花果攞過黎，好有特色，好好味，老板仲話啲無花果早兩日先從土耳其帶過黎，配埋餅皮包住食更好，結果真係，冇諗過無花果咁食法，可能呢啲先系道地土耳其特色，不過食到餐牌冇既野，都算驚喜。